ពុទ្ធោ ! មនុស្ស​ពេញ​រថយន្ត​ក្រឡាប់​អូស​ទៅ​បុក​របង​សាលា​ទៀត

រាជធានី​ភ្នំពេញ ៖ រថយន្ត​ម៉ាក​ឡិច​ស៊ី​ស​៤៧០​មួយ​គ្រឿង​បាន​ក្រឡាប់​អូស​ទៅ​បុក​របង​សាលា រួច​បន្ត​អូស​ទៅ​បុក​ចូល​តូប​លក់​ចាប់ហួយ​មួយ​កន្លែង​បណ្ដាល​ឲ្យ​រង​របួសធ្ងន់​ម្នាក់ ស្រាល​៤​នាក់ ។ ហេតុការណ៍​ដ៏​រន្ធត់​នេះ​បាន​កើតឡើង​កាលពី​វេលា​ម៉ោង​១១ និង​៥០​នាទី​យប់ ថ្ងៃ​ទី​២៤ ខែកញ្ញា ឆ្នាំ​២០១៦ នៅ​ចំណុច​មុខ​សាលារៀន​សុវណ្ណ​ភូមិ​លើ​កំណាត់​ផ្លូវជាតិ​លេខ​៣ ស្ថិត​ក្នុងភូមិ​ព្រៃ​ព្រីង​ខាងត្បូង សង្កាត់​ចោម​ចៅ ខណ្ឌ​ពោធិ៍​សែន​ជ័យ ។

អ្នក​បើករថយន្ត និង​អ្នក​រួម​ដំណើរ មិន​បាន​ប្រាប់​ពី​អត្តសញ្ញាណ​ឡើយ ប៉ុន្តែ​បាន​ឲ្យ​ដឹង​ថា មុន​ពេល​កើតហេតុ ពួក​គេ​មាន​គ្នា​៥​នាក់​ក្នុង​នោះ​មាន​ស្ត្រី​ម្នាក់ បាន​ជិះ​រថយន្ត ម៉ាក ឡិច​ស៊ី​ស ៤៧០ ពណ៌​ស្ករ ពាក់​ស្លាក​លេខ ភ្នំពេញ 2AF-1235 ធ្វើ​ដំណើរ​ចេញពី​ក្រុងព្រះសីហនុ តាម​បណ្តោយ​ផ្លូវជាតិ​លេខ​៣ ក្នុង​ទិស​ដៅ​ពី​ត្បូង​ទៅ​ជើង គោលបំណង​ចូល​មក​ភ្នំពេញ​វិញ ខណៈ​មក​ដល់​ចំណុច​ខាងលើ​ស្រាប់តែ​មាន​ឆ្កែ​១​ក្បាល​បាន​រត់​កាត់​ពីមុខ​រថយន្ត ពេល​នោះ​គាត់​បាន​ព្យាយាម​បួង​ចង្កូត​គេច ក៏​ក្រឡាប់​ផ្ងារជើង​ឡើង​លើ និង​បាន​អូស​ទៅ​បុក​បុក​របង​សាលារៀន​សុវណ្ណ​ភូមិ​ខូចខាត​អស់​មួយ​ចំនួន និង​បន្ត​ទៅ​បុក​តូប​លក់​ចាប់ហួយ​បណ្តាល​ឲ្យ​ខូចខាត​ទ្រព្យសម្បត្តិ​មួយ​ចំនួន ។

ក្រោយ​កើតហេតុ​បន្តិច​គេ​ឃើញ​មាន​ក្រុម​សង្គ្រោះ​បន្ទាន់​អង្គភាព​៧១១​បាន​មក​ដល់​ភ្លាម​ៗ ហើយ​បាន​ដឹក​អ្នក​របួសធ្ងន់​ម្នាក់​ទៅ​សង្គ្រោះ​បន្ទាន់​នៅ​មន្ទីរពេទ្យ​ព្រះ​កុសុមៈ ចំណែក​ភាគី​ម្ចាស់​តូប​រង​គ្រោះ​បាន​ចរចា​សង​ជា​សំណង​ដ្បើ​ម្បី​បញ្ចប់រឿង ចំណែក​របង​សាលា​ដែល​ខូចខាត​រង​ចាំ​ព្រឹក​ឡើង​ហៅ​ជាង​មក​ជួសជុល​សង​វិញ រីឯ​រថយន្ត​ដែល​ក្រឡាប់​នោះ​ត្រូវ​បាន​ខាង​សាច់ញាតិ​ហៅ​ខាង​រថយន្ត​ស្ទូច​ៗ​យក​ទៅ​ជួសជុល​ផង​ដែរ ៕

ប្រភព ៖

កំណត់ហេតុខ្មែរឡូត៖ 

 គួររំលឹកផងដែរថា កាលពី​រសៀល​ថ្ងៃ​ទី​២០ ខែកញ្ញា ឆ្នាំ​២០១៦ កន្លងទៅ ពលរដ្ឋ​ខ្មែរ​២​នាក់​បាន​ស្លាប់ និង​៤​នាក់​រង​របួសស្រាល ក្នុង​ឧប្បត្តិហេតុ​គ្រោះថ្នាក់​ចរាចរណ៍​ក្រ​ឡប់​រថយន្ត​តួ​រី​ស​នៅ​ខេត្ត​ប្រ​ជី​ន​បូ​រី ខណៈ​ធ្វើ​ដំណើរ​វិល​ត្រឡប់​ពី​ទិញ​អីវ៉ាន់​នៅ​ក្រុង​បាងកក ។

ប្រភព​បន្ត​ថា ជន​រង​គ្រោះ​ដែល​ស្លាប់ គឺ​ស្រី​ទាំង​២​នាក់ តែ​ស្គាល់​អត្តសញ្ញាណ​តែ​ម្នាក់ គឺ​ឈ្មោះ​ម៉ៅ ម៉ូ​លិ​កា ភេទ​ស្រី អាយុ​៣២​ឆ្នាំ មាន​ទីលំនៅ​ភូមិ​ជំទាវ​ឃុំ​ឬ​ស្សី​ក្រោក ស្រុក​មង្គលបុរី ខេត្តបន្ទាយមានជ័យ ។ ចំណែក​អ្នក​រង​របួស​៤​នាក់ ១-​ឈ្មោះ​រឹទ្ធ សុ​លាភ ភេទ​ប្រុស អាយុ​២៤​ឆ្នាំ (​ស្រាល​) មាន​ទីលំនៅ​ភូមិ​មណ្ឌល សង្កាត់​ស្វាយ​ដង្គុំ ក្រុង​និង​ខេត្តសៀមរាប​, ២-​ឈ្មោះ​សុង ពិសី ភេទ​ស្រី អាយុ​២១​ឆ្នាំ (​ស្រាល​) មាន​ទីលំនៅ​ភូមិ​វត្ត​ស្វាយ សង្កាត់​សាលា​កំរើក ខេត្តសៀមរាប​, ៣-​ឈ្មោះ​កេ​ត គ​ន្ធា ភេទ​ស្រី អាយុ​២២​ឆ្នាំ​(​ស្រាល​) មាន​ទីលំនៅ​សង្កាត់​បឹង​ទំពុន ខណ្ឌមានជ័យ រាជធានី​ភ្នំពេញ និង​៤-​ឈ្មោះ​ជា ស៊ុ​យ​លី ភេទ​ស្រី អាយុ​២១​ឆ្នាំ​(​ស្រាល​) មាន​ទីលំនៅ​ភូមិ​កិត្តិយស ឃុំ​ព្រៃ​ជ្រូកស្រុក​ពួក ខេត្តសៀមរាប ។

ប្រភព​ប្រាប់​ថា គ្រោះថ្នាក់​ចរាចរណ៍​នេះ កើតឡើង​ដោយសារ​រថយន្ត​បែក​កង់ រួច​រេ​ចង្កូត​ធ្លាក់​ស្នាមភ្លោះ ដែល​ក្នុង​រថយន្ត​រង​គ្រោះ មាន​មនុស្ស​៩​នាក់ រួម​ទាំង​អ្នកបើកបរ (​ជា​រថយន្ត​ប្រភេទ​តួ​រី​ស​១២​កៅអី​ពណ៌​.​ស​) ។

មន្ត្រី​ទំនាក់ទំនង​ព្រំដែន​កម្ពុជា​-​ថៃ និង​សមត្ថកិច្ច​ប្រចាំ​នៅ​មាត់ច្រក​ទ្វារ​អន្តរជាតិ​ប៉ោយ​ប៉ែ​ត​ប្រាប់​ថា ករណី​ខាងលើ ពិតជា​កើត​មាន​មែន ។ មន្ត្រី​និង​សមត្ថកិច្ច​ខាងលើ​បន្ត​ថា​អ្នក​របួស​៤​នាក់ បាន​ឆ្លង​ព្រំដែន​អន្តរជាតិ​ប៉ោយ​ប៉ែ​តម​ក​ដល់​កម្ពុជា​ហើយ កាលពី​វេលា​ម៉ោងជាង​១​ទៀប​ភ្លឺ​ព្រឹក​ថ្ងៃ​ទី​21 កញ្ញា នេះ ។​ សព​ស្ត្រី​ខាងលើ​ត្រូវ​បាន​ភាគី​ថៃ​ដឹក​បញ្ជូន​ប្រគល់​សាច់ញាតិ​ត្រឹម​ព្រំដែន​ច្រក​ទ្វារ​អន្តរជាតិ​ខ្ល​ង​លឹ​ក​ឈម​ច្រក​ទ្វារ​អន្តរជាតិ​ប៉ោយ​ប៉ែ​ត ហើយ​គេ​ជួល​រថយន្ត​ចូល​ទៅ​ដឹក​បន្ត​ទៅ​ស្រុក​កំណើត​នៅ​រសៀល​ថ្ងៃ​ទី​21​នេះ​។

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ពុទ្ធោ ! មនុស្ស​ពេញ​រថយន្ត​ក្រឡាប់​អូស​ទៅ​បុក​របង​សាលា​ទៀត

ពុទ្ធោ ! មនុស្ស​ពេញ​រថយន្ត​ក្រឡាប់​អូស​ទៅ​បុក​របង​សាលា​ទៀត

ពុទ្ធោ ! មនុស្ស​ពេញ​រថយន្ត​ក្រឡាប់​អូស​ទៅ​បុក​របង​សាលា​ទៀត

ពុទ្ធោ ! មនុស្ស​ពេញ​រថយន្ត​ក្រឡាប់​អូស​ទៅ​បុក​របង​សាលា​ទៀត