ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន

ជប៉ុន៖ ធម្មជាតិគឺជាមាតានៃអ្វីគ្រប់យ៉ាងក្នុងលោកនេះ ហើយខាងក្រោមនេះគឺជាការរំឭកប្រចាំថ្ងៃមួយរបស់អ្នក ដែលធម្មជាតិពិតជាចម្លែក និងអស្ចារ្យ ហើយយើងទាំងអស់គ្នាគួរតែឲ្យតម្លៃទៅលើធម្មជាតិបន្ថែមទៀត។

នៅលើឆ្នេរមួយក្នុងទីក្រុង Okayama ប្រទេសជប៉ុន ខ្សាច់ និងទឹកសមុទ្ររាក់ៗ ត្រូវបានបំពេញទៅដោយពពួកសត្វបង្គារតូចៗមួយប្រភេទ ដែលមានឈ្មោះថា Vargula Hilgendorfi ឬអំពិលអំពែកសមុទ្រ (sea-firefly) ដែលបញ្ចេញពន្លឺពណ៌ខៀវយ៉ាងស្រស់ស្អាត។

បង្គារនីមួយៗមានទំហំ ៣មីលីម៉ែត្រ ឬ ០.០០៣ម៉ែត្រ ហើយពួកវាជាពពួកសត្វធ្វើសកម្មភាពនៅពេលយប់។ ដោយនៅពេលយប់វាហែលមកច្រាំងដើម្បីរកចំណី។ Vargula Hilgendorfi ដែលត្រូវបានគេស្គាល់ថាអំពិលអំពែកសមុទ្រនេះ គឺជាប្រភេទសត្វបញ្ចេញពន្លឺមួយក្នុងចំណោមសត្វ៣ប្រភេទ ដែលរកឃើញក្នុងប្រទេសជប៉ុន។ ពួកវាបញ្ចេញពន្លឺពណ៌ខៀវភ្លឺ គ្រប់ពេលដែលវាមកប៉ះនឹងផ្ទៃទឹក ហើយជាញឹកញាប់ត្រូវបានគេប្រទះឃើញពួកវាមើលទៅដូចជាគ្រាប់ពេជ្រពណ៌ខៀវតូចៗ ភ្លឺភ្លឹបភ្លែតនៅលើដីខ្សាច់។

អ្នកថតរូបរបស់វេបសាយ Tdub Photo បានសម្រេចចិត្តថតរូប អំពិលអំពែកសមុទ្រនេះ ក្នុងវិធីថ្មីមួយ ដោយពួកគេបានដងយកពួកវាមកចាក់ដាក់ពីលើថ្មនៅក្បែរច្រាំងនៃកោះ Seto នាពេលរាត្រី ហើយផ្តិតយករូបភាពទាំងនោះ។

ជាលទ្ធផលរូបភាពទាំងនោះបានបង្ហាញភាពស្រស់ស្អាត ដែលមើលទៅដូចជាដុំថ្មកំពុងតែបង្ហូរទឹកភ្នែកភ្លឺចែងចាំងទៅលើវាលខ្សាច់ ដោយមិនមានការ​កែរសម្រួល​ពី​កំព្យូ​ទ័រ ការបន្ថែមពន្លឺ និងអ្វីទាំងអស់ គឺមានតែភាពស្រស់ស្អាតនៃធម្មជាតិតែមួយមុខប៉ុណ្ណោះ៕ 

ប្រភព ៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន

ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន

ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន

ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន

ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន

ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន

ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន

ពិតជាស្រស់ស្អាត! បង្គារសមុទ្រតូចៗ បញ្ចេញពន្លឺ នៅលើឆ្នេរក្នុងប្រទេសជប៉ុន