បុរសអនាថាម្នាក់ មានឱកាសផ្តើមជីវិតថ្មី បន្ទាប់ពីប្រទះឃើញ គ្រាប់បែកភេរវកម្មមួយគ្រាប់

អាមេរិក៖ បុរសអនាថាគ្មានផ្ទះសម្បែងម្នាក់ ត្រូវបានមនុស្សជាច្រើនឧបត្ថម្ភប្រាក់រាប់ពាន់ដុល្លារ ដើម្បីសម្តែងការដឹងគុណ បន្ទាប់ពីរូបគេបានជួយជីវិតមនុស្សរាប់ពាន់នាក់ នៅក្នុងទីក្រុង New Jersey កាលពីចុងសប្តាហ៍មុននេះ។

បុរសអនាថា Lee Parker និងមិត្តភក្តិ Ivan White បានរកឃើញគ្រាប់បែកភេរវកម្មមួយគ្រាប់ ដែលបានលាក់ទុកនៅក្នុងកាបូបមួយ កាលពីចុងសប្តាហ៍មុន ខណៈពួកគេកំពុងជ្រើសរើសកាបូបនៅក្នុងរដ្ឋ New Jersey សហរដ្ឋអាមេរិក។  

ពួកគេទាំងពីរកំពុងជ្រើសរើសកាបូបមួយសម្រាប់ Parker ដែលជាអ្នកគ្មានផ្ទះសម្បែងជាច្រើនឆ្នាំមកហើយ ដោយគាត់នឹងត្រូវសម្ភាសន៍ការងារនៅថ្ងៃបន្ទាប់ ប៉ុន្តែនៅពេលដែលពួក​គេ​បានឃើញខ្សែ និងគ្រាប់បែក នៅខាងក្នុងកាបូប អ្នកទាំងពីរក៏ប្រញាប់ប្រញាល់​យក​វាចេញទៅឲ្យឆ្ងាយ និងបានផ្ដល់ដំណឹងទៅដល់ប៉ូលិសភ្លាមៗ។

សកម្មភាពរបស់ពួកគេបានធ្វើឲ្យបុរសម្នាក់រំភើបចិត្ត គឺលោក Donald Goncalves ដែលជាអ្នកស្រុកក្នុងតំបន់ ហើយគាត់ក៏បានចាប់ផ្តើមធ្វើការរៃអង្គាសប្រមូលប្រាក់តាម​អន​ឡាញ ដើម្បីជាការតបស្នងសងគុណដល់អ្នកទាំងពីរនេះ។ មិនយ៉ូរប៉ុន្មាន គេហទំព័ររៃអង្គាសប្រាក់របស់ លោក Donald ប្រមូលបានប្រាក់ជាង ២៥,០០០ដុល្លារអាមេរិក។

លោក Parker បានថ្លែងប្រាប់អ្នកសារព័ត៌មានថា “លោកមិនមែនជាវីរៈបុរសអីទេ លោកគ្រាន់តែធ្វើរឿងដែលត្រឹមត្រូវប៉ុណ្ណោះ”។ ខណៈមិត្តរបស់លោកបានបន្ថែមថា “ខ្ញុំសប្បាយចិត្ត ដែលខ្ញុំអាចដឹងពីស្ថានភាពនៅពេលនោះ ហើយមានប្រតិកម្មរហ័ស អរគុណព្រះជាម្ចាស់ដែលមិនមាននរណាម្នាក់រងរបួស”។

បា្រក់ដែលប្រមូលបានមក នឹងត្រូវបែកចែកជាពីរចំណែកសម្រាប់បុរសទាំងពីរ ហើយអង្គការ Elizabeth Coalition ដែលជាអង្គការសប្បុរសធម៌ក្នុងតំបន់ នឹងផ្ដល់ផ្ទះសម្រាប់ស្នាក់នៅដល់លោក Parker ទៀតផង។ នេះគឺជាឱកាសថ្មីមួយក្នុងការចាប់ផ្តើមជីវិតរបស់បុរសអនាថា Parker៕ 

ប្រភព ៖

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

បុរសអនាថាម្នាក់ មានឱកាសផ្តើមជីវិតថ្មី បន្ទាប់ពីប្រទះឃើញ គ្រាប់បែកភេរវកម្មមួយគ្រាប់

បុរសអនាថាម្នាក់ មានឱកាសផ្តើមជីវិតថ្មី បន្ទាប់ពីប្រទះឃើញ គ្រាប់បែកភេរវកម្មមួយគ្រាប់

បុរសអនាថាម្នាក់ មានឱកាសផ្តើមជីវិតថ្មី បន្ទាប់ពីប្រទះឃើញ គ្រាប់បែកភេរវកម្មមួយគ្រាប់

បុរសអនាថាម្នាក់ មានឱកាសផ្តើមជីវិតថ្មី បន្ទាប់ពីប្រទះឃើញ គ្រាប់បែកភេរវកម្មមួយគ្រាប់

បុរសអនាថាម្នាក់ មានឱកាសផ្តើមជីវិតថ្មី បន្ទាប់ពីប្រទះឃើញ គ្រាប់បែកភេរវកម្មមួយគ្រាប់