ស្ត្រីវ័យក្មេង៣នាក់ ជិះម៉ូតូឌុបគ្នាដូចហោះ ទៅបុកគូថរថយន្តដែលកំពុងតែបត់ បណ្តាលឲ្យរងរបួសធ្ងន់

(ពោធិ៍សាត់)៖ ស្ត្រីវ័យក្មេង៣នាក់ ជិះម៉ូតូឌុបគ្នាដូចហោះ ទប់ស្មារតីមិនបាន ទៅបុកគូថរថយន្ត HYUNDAI ដែលកំពុងតែបត់ពីត្បូងទៅជើង បណ្តាលឲ្យរបួសធ្ងន់បញ្ជូនទៅសង្គ្រោះនៅមន្ទីរពេទ្យបង្អែកពោធិ៍សាត់។

ហេតុការណ៍នេះ កើតឡើងនៅថ្ងៃទី២៦ ខែកញ្ញា ឆ្នាំ២០១៦ ត្រង់ចំណុចបង្គោលគីឡូម៉ែត្រ១៥៤ និង១៥៥ លើកំណាត់ផ្លូវជាតិលេខ៥ ស្ថិតក្នុងភូមិប៉ប៉ិត ឃុំអន្លង់ត្នោត ស្រុកក្រគរ ខេត្តពោធិ៍សាត់។

លោក ឯម រុន អធិការនគរបាលស្រុកក្រគរ បានប្រាប់ភ្នាក់ងារ Fresh News ឲ្យដឹងនៅព្រឹកថ្ងៃទី២៧ ខែកញ្ញានេះថា ស្ត្រីវ័យក្មេងទាំង៣នាក់ ដែលជិះម៉ូតូឌុបគ្នាទៅបុកគូថរថយន្ត បណ្តាលឲ្យរងរបួសធ្ងន់នោះ មានឈ្មោះ ១-ស៊ុយ ណូ អាយុ ១៧ឆ្នាំ រស់នៅភូមិខ្សាច់ល្អិត ឃុំអន្សាចំបក់ ស្រុកក្រគរ ខេត្តពោធិ៍សាត់ (ជាអ្នកបើកម៉ូតូ) ២-ឡាច ម៉ុន អាយុ ២៣ឆ្នាំ រស់នៅភូមិខ្សាច់ល្អិត ឃុំអន្សាចំបក់ ស្រុកក្រគរ ខេត្តពោធិ៍សាត់ (ជាអ្នករួមដំណើរ) និង ម្នាក់ទៀតមិនស្គាល់អត្តសញ្ញាណ (ជាអ្នករួមដំណើរ)។ 

លោកអធិការបានបន្តថា មុនពេលកើតហេតុ គេឃើញមានស្ត្រីវ័យក្មេង៣នាក់ជិះម៉ូតូឌុបគ្នា ម៉ាកHonda Dream c125 ពណ៌ខ្មៅ ស៊េរីឆ្នាំ២០០៥ ពាក់ផ្លាកលេខ ភ្នំពេញ 1E-1633 ធ្វើដំណើរពីលិចទៅកើតក្នុងល្បឿនលឿន លុះមកដល់ចំណុចកើតហេតុខាងលើ ទប់ស្មារតីមិនបាន ក៏ទៅបុកគូថចំហៀងខាងឆ្វេងរថយន្ត ម៉ាកHYUNDAI ព័ណ៌ទឹកប្រាក់ ពាក់ផ្លាកលេខសៀមរាប 3A-0113 ធ្វើដំណើរស្របទិសគ្នា ដែលកំពង់តែបត់ឆ្លងថ្នល់ ពីត្បូងទៅជើង បណ្តាលខូចខាតម៉ូតូយ៉ាងដំណំ និងរងរបួសធ្ងន់៣នាក់។

បច្ចុប្បន្នជនរងគ្រោះទាំង៣នាក់ ត្រូវបានបញ្ជូនទៅសង្គ្រោះបន្ទាន់នៅមន្ទីរពេទ្យបង្អែកពោធិ៍សាត់ ចំណែកវត្ថុតាងរថយន្ត និងម៉ូតូ ត្រូវបានយកមករក្សាទុកនៅអធិការស្រុកក្រគរ រងចាំដោះស្រាយគ្នានៅពេលក្រោយ៕ 

ប្រភព ៖

កំណត់ហេតុខ្មែរឡូត៖

ដោយឡែក ករណីមួយផ្សេងទៀត កាលពីលើកមុន ហេតុការណ៍នេះ កើតឡើងនៅភូមិខ្លាកូនថ្មី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។

លោកអនុសេនីយ៍ឯក ភឿក ព្រហ្ម មេបញ្ជាការស្ដីទីមូលដ្ឋានកងរាជអាវុធហត្ថក្រុងសិរីសោភ័ណបានឱ្យដឹងថា កាលពីថ្ងៃទី២២ ខែកញ្ញា ឆ្នាំ២០១៦ មានករណីគ្រោះថ្នាក់ចរាចរណ៍មួយ ដោយមានម៉ូតូទៅបុកបង្គោល ចំណាំងផ្លាតដោយខ្លួនឯង បណ្ដាលឱ្យស្លាប់ម្នាក់ និងរបួសបាក់ជើងម្នាក់។

លោកអនុសេនីយ៍ឯក ភឿក ព្រហ្ម បានបន្តថា ម៉ូតូម៉ាក MSX ពណ៌ក្រហម គ្មានស្លាកលេខ បើកបរដោយឈ្មោះ វ៉ា អ៉ី អាយុ២០ឆ្នាំ រស់នៅភូមិ២ សង្កាត់កំពង់ស្វាយ ក្រុងសិរីសោភ័ណ (របួសបាក់ជើង) ចំណែកអ្នករួមដំណើរ ឈ្មោះ ឈឹម ចិន អាយុ២២ឆ្នាំ រស់នៅភូមិ២ សង្កាត់កំពង់ស្វាយ ក្រុងសិរីសោភ័ណ (ស្លាប់)។

លោកអនុសេនីយ៍ឯកបានបន្តទៀតថា អ្នករងរបួសត្រូវបានបញ្ជូនទៅមន្ទីរពេទ្យ បង្អែកក្រុងសិរីសោភ័ណ ដើម្បីព្យាបាល រីឯសពម្នាក់ត្រូវបានប្រគល់ឱ្យក្រុមគ្រួសារ យកទៅធ្វើបុណ្យតាមប្រពៃណី ចំណែកម៉ូតូ កម្លាំងអាវុធហត្ថបាន យកទៅរក្សាទុក នៅអធិការដ្ឋាននគរបាលក្រុងសិរីសោភ័ណ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ស្ត្រីវ័យក្មេង៣នាក់ ជិះម៉ូតូឌុបគ្នាដូចហោះ ទៅបុកគូថរថយន្តដែលកំពុងតែបត់ បណ្តាលឲ្យរងរបួសធ្ងន់

ស្ត្រីវ័យក្មេង៣នាក់ ជិះម៉ូតូឌុបគ្នាដូចហោះ ទៅបុកគូថរថយន្តដែលកំពុងតែបត់ បណ្តាលឲ្យរងរបួសធ្ងន់

ស្ត្រីវ័យក្មេង៣នាក់ ជិះម៉ូតូឌុបគ្នាដូចហោះ ទៅបុកគូថរថយន្តដែលកំពុងតែបត់ បណ្តាលឲ្យរងរបួសធ្ងន់

ស្ត្រីវ័យក្មេង៣នាក់ ជិះម៉ូតូឌុបគ្នាដូចហោះ ទៅបុកគូថរថយន្តដែលកំពុងតែបត់ បណ្តាលឲ្យរងរបួសធ្ងន់