អាសូរ! ស្រែកហៅអ្នកផងជួយ​ នៅតែមិនទាន់

ខេត្តកណ្ដាល ​៖ ​បុរស​ម្នា​ក់​អុំ​ទូកត្នោត​ទៅ​បេះ​ផ្កាស្នោរ លុះ​ដល់​ពាក់កណ្ដាល​បឹងស្រាប់តែលិច​ទូក បណ្តាលឱ្យ​លង់ទឹក​ស្លាប់ ដែល​ហេតុការណ៍នេះ​ កើត​ឡើង​កាលពី​វេលា​ម៉ោង​០៦​ និង​៣០​នាទីព្រឹក​ថ្ងៃ​ទី ២៧​ កញ្ញា ២០១៦ ស្ថិតនៅ​ចំណុច​បឹង​​ខ្វែង​ធំ ក្នុង​​ភូមិ​ត្នោត​ញី ឃុំ​ខ្ពប ស្រុក​ស្អាង ខេត្តកណ្តាល​ ។

​ប្រភពឱ្យ​ដឹងថា ​ជន​រង​គ្រោះ​ដែល​ស្លាប់​ឈ្មោះ​​រ៉​ន ស្នា ភេទ​ប្រុស អាយុ​២៨​ឆ្នាំ​ ជនជាតិ​ខ្មែរ មាន​ទីលំនៅ​ក្នុង​ភូមិ​ត្នោត​ញី ឃុំ​ខ្ពប ស្រុក​ស្អាង ខេត្តកណ្តាល​ ​។

​ប្រភពដដែលបន្តថា ​ជន​រង​គ្រោះ​​និង​​ម្នាក់​ទៀត​ឈ្មោះ​ផេង ទី ភេទ​ស្រី អាយុ​៥២​ឆ្នាំ (ត្រូវជា​ម្តាយមីង) បាន​បបួល​គ្នា​ជិះទូក​ត្នោត ទៅ​បេះ​ផ្កាស្នោ​នៅ​បឹង​ខ្វែង​ធំ ។ ពេល​នោះ​ឈ្មោះ​រ៉​ន ស្នា ​ជិះទូក​ត្នោត​​ទៅ​មុន​តែ​ម្នាក់ឯង ចំណែកស្ត្រី​​ឈ្មោះ​ផេង ទី កំពុង​ស្តារ​ទូក​ត្នោត​ទៅ​​តាម​ក្រោយ​។

លុះ​ជន​រង​គ្រោះ​អុំទូកត្នោត​បាន​ចម្ងាយ​ប្រហែល​១៥​ម៉ែត្រ​ពី​ច្រាំង ដល់​ពាក់កណ្ដាល​បឹង ក៏​​លិច​ទូកត្នោត​​បាត់​ទាំង​មនុស្ស បាត់​ទាំង​ទូក ។ ភ្លាម​នោះ ស្ត្រី​​ឈ្មោះ​ផេង ទី ត្រូវជា​មីង​ និង​ឈ្មោះ​ហៅ គឹ​ម​ហុង ភេទ​ប្រុស អាយុ​៤៩​ឆ្នាំ​ ត្រូវជា​បងថ្លៃ​ ​បានឃើញ​​ក៏ស្រែក​ហៅ​​បងប្អូន​ ​អ្នក​ជិតខាង​ឱ្យ​ទៅ​ជួយ​ភ្លាម​ៗ​ដែរ ។ តែ​ដោយ​ជន​រង​គ្រោះ​មិន​ចេះ​ហែល​ទឹក​ក៏​​លង់ទឹក​លិច​បាត់​ រក​មិនឃើញទេ ។​ លុះ​​ប្រហែល​កន្លះ​ម៉ោង​ក្រោយ ​ទើប​រកសាកសព​ជន​រង​គ្រោះឃើញ ។

ក្រោយ​ពីទទួល​បាន​ព័ត៌មាន ​កម្លាំង​ប៉ុស្តិ៍​ខ្ពប​​​បាន​ធ្វើការ​ពិនិត្យ​សាកសពឃើញ​ថា ​ជន​រង​គ្រោះ​ពិតជា​ស្លាប់​ដោយសារ​លង់ទឹក​ពិត​មែន ​។

ប្រភព ៖

កំណត់ហេតុខ្មែរឡូត៖ ដោយឡែក ករណីមួយផ្សេងទៀត កាលពីលើកមុន កាលពីរសៀល ថ្ងៃទី១៩ ខែកញ្ញា ឆ្នាំ២០១៦ នៅចំណុចប្រឡាយទឹក ស្ថិតក្នុងភូមិគោល ឃុំរកាពប្រាំ ស្រុក ត្បូងឃ្មុំ ខេត្តត្បូងឃ្មុំ។

ប្រភពព័ត៌មានពីមន្រ្តី សមត្ថកិច្ចនគរបាលមូលដ្ឋាន បានឲ្យដឹងថា ជនរងគ្រោះទាំងពីរនាក់ជាស្ត្រី ទី១ ឈ្មោះ កែវ ធារ៉ា អាយុ ២២ឆ្នាំ ត្រូវជាម្តាយមីង និង ឈ្មោះ ចាន់ ស្រីធី អាយុ ១៥ឆ្នាំ ត្រូវជាក្មួយ អ្នក ទាំងពីរមានទីលំនៅភូមិ៨.១៥ ឃុំគរ ស្រុកត្បូងឃ្មុំ ខេត្តត្បូងឃ្មុំ ។​

មុនពេលកើតហេតុ មានក្មេងឃ្វាល គោ បានឃើញស្ត្រីរងគ្រោះទាំងពីរនាក់ បានទៅបេះកញ្ឆែត​នៅប្រឡាយទឹក ដែលបណ្តោយមានប្រវែង ២គីឡូម៉ែត្រ និងទទឹងប្រវែងជិត ៣ម៉ែត្រ ដោយខណៈនោះ មានក្មេងស្រីជំទង់ បានចុះបេះកញ្ឆែត នៅមាត់ប្រឡាយ ហើយបានរអិលជើងធ្លាក់ចូលក្នុងទឹកប្រឡាយនោះ ​ឃើញដូច្នោះទើបស្ត្រី ជាម្តាយ មីង បានស្ទុះទៅជួយចាប់​សក់ជួយសង្រោះក៏រអិលជើង ធ្លាក់ចូលក្នុងទឹកលង់ស្លាប់ទាំងពីរ​តែម្តង។ 

ក្រោយពីឃើញហេតុការណ៍នោះភ្លាម ក្មេងឃ្វាលគោ បានរត់ទៅហៅ អ្នកបង់សំណាញ់ដែលមាន ចម្ងាយ ៥០ម៉ែត្រពីកន្លែងកើតហេតុ ឲ្យជួយជនរងគ្រោះ បន្ទាប់មកអ្នកបង់សំណាញ់ បានទូរស័ព្ទ ហៅសាច់ញាតិជនរងគ្រោះឲ្យមកជួយរាវរកដែរ ប៉ុន្តែជាអកុសលស្ត្រីពីរនាក់មីងនិងក្មួយ បានឈ្លក់ទឹក ស្លាប់បាត់ទៅហើយ។

សមត្ថកិច្ច បានបញ្ជាក់ផងដែរថា ក្រោយពីកើតហេតុ សមត្ថកិច្ចជំនាញ នគរបាលស្រុកត្បូងឃ្មុំ បានសហការជាមួយគ្រូពេទ្យ ចុះធ្វើការពិនិត្យសាកសព នៅកន្លែងកើតហេតុ ឃើញថា ជនរងគ្រោះទាំងពីរនាក់ ពិតជាស្លាប់ដោយសារលង់ទឹកពិតប្រាកដមែន៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

អាសូរ! ស្រែកហៅអ្នកផងជួយ​ នៅតែមិនទាន់

អាសូរ! ស្រែកហៅអ្នកផងជួយ​ នៅតែមិនទាន់

អាសូរ! ស្រែកហៅអ្នកផងជួយ​ នៅតែមិនទាន់

អាសូរ! ស្រែកហៅអ្នកផងជួយ​ នៅតែមិនទាន់