នឹកស្មានមិនដល់! ត្រីជាប់មងធំ​អស្ចារ្យ

ខេត្តពោធិ៍សាត់ ៖ ស្ទើរ​តែមិនគួរឱ្យជឿ បើសិន​មិនបានឃើញ​នឹងភ្នែកនោះ បន្ទាប់​​ពី​ភ្ញាក់​ផ្អើលជា​ខ្លាំង​ ខណៈ​ដែល​​​ប្រជានេសាទ​ដាក់​ម​ង​ក្នុងទន្លេសាប​ ស្រាប់តែ​​ជាប់បានត្រី​ធំ​ដ៏កម្រ​មួយក្បាល ​កាលពី​រសៀល​ថ្ងៃទី​២៧ កញ្ញា ២០១៦ ​​​ស្ថិតក្នុងឃុំកំពង់ហ្លួង ជាប់​ព្រំ​ប្រទល់ឃុំក្បាលត្រាច ក្នុង​ស្រុក​ក្រគរ ខេត្តពោធិ៍សាត់ ។

ពលរដ្ឋ​នេសាទម្នាក់ ដែលជាម្ចាស់​មង​​ឈ្មោះយន់ គន្ធា អាយុ​៣៦ឆ្នាំ មាន​ទីលំនៅ​ក្នុងឃុំខាងលើបានរៀប​រាប់​ថា គាត់​ពិត​ជា​រំភើប​ណាស់ ដែល​ឃើញត្រី​ដ៏ធំមួយក្បាលនេះ ។​ មុន​ពេល​ប្រទះ​​ត្រី​ដ៏ធំនេះ គឺ​គាត់បាន​ទៅរាយ​មងក្រឡាធំ​​នៅ​កន្លែងខាងលើ​ដូចសព្វ​ដង។

ក្រោយមក គាត់បាន​អុំទូក​ទៅមើល​ថា មាន​ជាប់ត្រី​ឬ​នៅ ។ ស្រាប់តែ​ទៅដល់ ក៏មានការភ្ញាក់​ផ្អើល​ ដោយមងគាត់បាន​ដាច់​រយះខ្ទេច ស្មានតែ​ជាប់​អ្វីដែល​ចម្លែក លុះគាត់សាឡើង​​ក៏​ប្រទះឃើញ​ ត្រី​គល់រាំងដ៏ធំមួយក្បាល​ ជាប់មងរបស់​គាត់ ហើយ​ត្រីនោះ​នៅរស់ទៀតផង ​​។

ប្រភពបន្តថា បន្ទាប់ភ្ញាក់​ផ្អើល​នេះ មានមនុស្ស​ម្នា​ជាច្រើន​បានមក​ជួួយ​សង្គ្រោះ​ត្រីដ៏ធំនេះ ​ហើយ​គាត់​ក៏​ព្យាយាម​ទំនាក់ទំនង​ ទៅ​ខាង​​មន្ត្រីជលផល​ ដើម្បីឱ្យ​ចុះ​ពិនិត្យ ។ ក្នុងនោះដែរ ត្រូវបាន​លោកពុធ ស៊ុនលី នាយ​ផ្នែកជលផល​ក្រគរ ធ្វើការ​ថ្លែង​អំណរ​គុណ​​ជា​ខ្លាំង​ដល់​ពលរដ្ឋ ​ដែលរាយការណ៍ជូន​លោក​ ក្នុង​ការ​ចង់​ថែរក្សា​ការពារ​មច្ឆជាតិ​ក្នុងប្រទេស​យើង​នេះ ។

ប្រភព ៖

កំណត់ហេតុខ្មែរឡូត៖

គួររំលឹកព័ត៌មានចាស់ដែរថា ទាក់ទងនឹងករណីនេះដែរ បើក្រឡេកទៅមើលឯប្រទេសចិនឯណោះវិញ ។  កាលពីពេលថ្មីៗនេះ ត្រីដ៏ចម្លែក និងមានទំហំធំមួយក្បាល ត្រូវក្រុមអ្នកនេសាទចិន នាំគ្នាចាប់បាននៅទន្លេ Daishan នាទីក្រុង Zhousan ប្រទេសចិន។

បើតាមប្រភពបានឲ្យដឹងថា ក្រុមអ្នកនេសាទ នឹងគ្រោងលក់ត្រីដ៏ធំមួយក្បាលនេះ ក្នុងតម្លៃ ១.១លានយ័ន ដែលស្មើនឹងទឹកប្រាក់ចំនួន ១៥មឺុនដុល្លារអាមេរិក។ គួរបញ្ជាក់ផងដែរថា ត្រីមួយក្បាលនេះ មានទម្ងន់រហូតដល់ ៤៨គីឡូក្រាម និងប្រវែង១៥៧សង់ទីម៉ែត្រ ចាប់បានដោយក្រុមអ្នកនេសាទចំនួន៥នាក់ ។

ត្រីដែលមានទំហំធំមួយក្បាលនេះ ត្រូវបានគេរាយការណ៍ថា ជាប្រភេទត្រីដ៏កម្រនៅក្នុងតំបន់នេះ ដែលប្រជាជននៅទីនោះបាននាំគ្នានិយាយថា ជាត្រីធំជាងគេនៅ Zhousan ។

បើយោងតាមសម្តីរបស់អ្នកនេសាទម្នាក់ ឈ្មោះ Chen បាននិយាយថា «នេះគឺជាប្រភេទត្រីដ៏កម្រមួយ ដែលខ្ញុំមិនដែលប្រទះឃើញជាងរយៈពេល២០ឆ្នាំមកហើយ។ វាពិតជាអស្ចារ្យណាស់ ដែលពួកយើងអាចចាប់ត្រីនេះបាន ដោយឡែក សូម្បីតែអ្នកនេសាទផ្សេងៗទៀត គឺមិនដែលទាំងមានឱកាសបានឃើញវាផង» ។

ត្រីមួយក្បាលនេះ ត្រូវក្រុមអ្នកនេសាទយកវាទៅក្លាស្សេ បន្ទាប់ពីចាប់បានរួចមក ហើយគ្រោងនឹងលក់តម្លៃដ៏ថ្លៃ ១៥មឺុនដុល្លារ ដោយសារពួកគេជឿជាក់ថា ត្រីប្រភេទនេះមានអត្ថប្រយោជន៍ខ្ពស់សម្រាប់សុខភាព ពីព្រោះវាមាផ្ទុកទៅដោយជាតិប្រូតេអ៊ីន និងជាតិខ្លាញ់ច្រើននៅក្នុងខ្លួន ។ ម្យ៉ាងវិញទៀតខ្លាញ់ត្រី ប្រភេទនេះ ភាគច្រើនត្រូវបានគេយកទៅផ្សំធ្វើថ្នាំ ដើម្បីព្យាបាលជំងឺផងដែរ ។

បច្ចុប្បន្នត្រីមួយក្បាល ដែលមានតម្លៃ ១៥មឺុនដុល្លារនេះ កំពុងតែផ្សព្វផ្សាយលក់នៅក្នុងទីផ្សារ ក៏ជាតាមប្រព័ន្ធបណ្តាញសង្គមផ្សព្វផ្សាយផងដែរ។ ក្នុងនោះមានសាធារណៈជាច្រើនបាននាំគ្នាបញ្ចេញមតិដូចជា ៖ «ត្រីនេះ ញ្ញុាំហើយមានជីវិតអមតៈឬ បានលក់ថ្លៃម្លឹងៗ?» ខ្លះទៀត «គ្រាន់តែត្រីងាប់មួយក្បាលសោះ តម្លៃ១.១លានយ័នដែរ» ចំនែកឯម្នាក់ទៀតនិយាយថា «តម្លៃប៉ុណ្ណឹង សុខចិត្តទៅទិញ នាវាមុជទឹកវិញល្អជាង» ។ នេះបើយោងតាមមតិសាធារណៈជនដែល ដកស្រង់ចេញពីបណ្តាញសង្គម ៕ 

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ

នឹកស្មានមិនដល់! ត្រីជាប់មងធំ​អស្ចារ្យ