ឈ្មួញឈើឈ្មោះ ជឿង ថេង ចេញ ពីគុក​ មិនទាន់បាន​ប៉ុន្មានខែផង ឥឡូវរកសុី​ដឹកឈើទៀត​

(កំពង់ស្ពឺ)៖ តាមប្រភពព័ត៌មានពីខេត្តកំពង់ស្ពឺ បានឲ្យដឹងថា នៅល្ងាចថ្ងៃទី២៨ ខែកញ្ញា ឆ្នាំ២០១៦នេះ មានរថយន្តឃ្លប់មួយគ្រឿង បានដឹកឈើប្រណីតពេញបើកចេញពីព្រៃ លុះមកដល់ចំណុចផ្លូវ ខាងត្បូងកោះរុន ឃុំតាសាល ស្រុកឱរ៉ាល់ ខេត្តកំពង់ស្ពឺ ក៏ជាប់ផុងទៅមុខលែងរួច ពេលនោះក៏ត្រូវសមត្ថកិច្ចទៅដល់តែម្ដង។ រថយន្តដែលមានផ្ទុកឈើ ពេញហើយជាប់ផុងនេះ មានចំណុះ ២.៥តោន ពាក់ស្លាកលេខ ភ្នំពេញ 3D-6946 តែគេនៅមិនទាន់ដឹង ចំនួនឈើមានប៉ុន្មានឲ្យប្រាកដនៅឡើយនោះទេ។

យោងតាមប្រភពពីស្រុកឱរ៉ាល់ បានអោយដឹងថា រថយន្តដឹកឈើ ប្រភេទឃ្លប់ដឹកទឹកកកនេះ គឺម្ចាស់ទើបទិញសម្រាប់តែដឹកឈើប៉ុណ្ណោះ ដោយសារតែម្ចាស់រថយន្តនេះ ដែលគេស្គាល់ថាមានឈ្មោះថា ជឿង ថេង ជាមន្ត្រីយោធានៅភូមិភាគ៣ ធ្លាប់មានបញ្ហារឿងរថយន្ត ដែលធ្លាប់តែដឹកឈើប្រភេទយីឌុបរបស់ខ្លួនបើកធ្វើឲ្យបាក់ស្ពាននៅក្នុងស្រុកឈូក ខេត្តកំពត ហើយតុលាការបញ្ជាអោយ ចាប់ដាក់គុកដើម្បីទាមទារ ឲ្យសងថ្លៃខូចខាត នាពេលកន្លងមកនេះ ទើបម្ចាស់រថយន្តដឹកទំនិញនានានៅក្នុងខេត្ត គេមិនហ៊ានជួលឲ្យឈ្មោះ ជឿន ថេង ខាងលើ រួចឈ្មោះនេះក៏ទិញរថយន្តផ្ទាល់ខ្លួនវិញម្ដងទៅ ។

តាមប្រភពដដែល ឈើរបស់ឈ្មួញឈ្មោះ ជឿង ថេង នេះ ដឹកទាំងថ្ងៃទាំងយប់តាមផ្លូវតាសាល ចេញពីស្រុកឱរ៉ាល់ទៅកាន់ស្រុកភ្នំស្រួច ឡើងផ្លូវជាតិលេខ៤ ឆ្ពោះទៅខេត្តកំពត ដោយមានបើកភ្លើងខៀវ ពីនាយសង្កាត់រដ្ឋបាលព្រៃឈើ តាសាល និងសមត្ថកិច្ចផ្សេងៗទៀតផងដែរ ទើបអាចដឹកចេញបានយ៉ាងដូច្នេះ។

ពាក់ព័ន្ធព័ត៌មានចោទប្រកាន់ខាងលើ នៅល្ងាចថ្ងៃដដែល Fresh News មិនអាចធ្វើការទាក់ទង ឈ្មោះ ជឿង ថេង ដើម្បីសុំការបំភ្លឺបានឡើយ ព្រោះមិនមានលេខទូរស័ព្ឌ សំរាប់ធ្វើការទាក់ទងបាន៕ 

ប្រភព ៖

កំណត់ហេតុខ្មែរឡូត៖

ដោយឡែក ករណីមួយផ្សេងទៀត កាលពីលើកមុន កាលពីថ្ងៃទី១៦ ខែកញ្ញា ឆ្នាំ២០១៦ នៅលើកំណាត់ផ្លូវជាតិលេខ៥៥ ស្ថិតក្នុងភូមិដប់បាត សង្កាត់លលក ក្រុងពោធិ៍សាត់ ខេត្តពោធិ៍សាត់។

លោក ងី វិរៈ នាយខណ្ឌរដ្ឋបាលព្រៃឈើពោធិ៍សាត់ បានប្រាប់អង្គភាព Fresh News ឲ្យដឹងថា ការបង្ក្រាបរថយន្តដឹកឈើគ្រញូង ជិត៦០០គីឡូក្រាមនាពេលនេះ ធ្វើឡើងដោយមានកិច្ចសហការពីកម្លាំងចម្រុះទើបបង្រ្កាបបាន។ លោកនាយខណ្ឌបន្តថា ក្រោយមានការឃាត់រថយន្តដឹកឈើគ្រញូង ស្រាប់តែមានក្រុមមិនស្គាល់អត្តសញ្ញាណ១ក្រុម ជិះរថយន្តម៉ាក ISUZU មួយបាំងកន្លះ១គ្រឿង និងម៉ូតូ១គ្រឿង បានមកស្ទាក់គ្រវែងដែកវែង ហើយបើករត់បាត់ ធ្វើឲ្យកម្លាំងសមត្ថកិច្ចរបួសម្នាក់ និងខូចរថយន្ត១គ្រឿង នៅចំណុចផ្លូវជាតិលេខ៥ ស្ថិតក្នុងភូមិកំពែងស្វាយ ឃុំស្នាមព្រះ ស្រុកបាកាន ក្នុងគោលបំណងរំដោះរថយន្តដឹកឈើគ្រញូងនោះចេញ។

លោកនាយខណ្ឌបន្តទៀតថា វត្ថុតាងរថយន្ត១គ្រឿង ម៉ាក Camry ពណ៌ស្ករ គ្មានស្លាកលេខ និងឈើគ្រញូងជិត ៦០០គីឡូក្រាម ត្រូវបានយកទៅរក្សាទុក នៅខណ្ឌរដ្ឋបាលព្រៃឈើពោធិ៍សាត់ ដើម្បីកសាងសំណុំរឿងបញ្ជូនទៅសាលាដំបូងខេត្ត ចាត់ការបន្តតាមនីតិវិធី។

គួរបញ្ជាក់ថាម្ចាស់រថយន្ត Camry ដឹកឈើនោះ ត្រូវបានគេស្គាល់ឈ្មោះ រាក់ ជាឈ្មួញរកស៊ីដឹកជញ្ជូនឈើ រស់នៅភូមិដប់បាត សង្កាត់លលកស ក្រុងពោធិ៍សាត់ រីឯឈ្មួញចាំទទួលរកស៊ីដុះស្លែនោះ ឈ្មោះ ពៅ រស់នៅភូមិកំពែងស្វាយ ឃុំស្នាមព្រះ ស្រុកបាកាន ខេត្តពោធិ៍សាត់៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ឈ្មួញឈើឈ្មោះ ជឿង ថេង ចេញ ពីគុក​ មិនទាន់បាន​ប៉ុន្មានខែផង ឥឡូវរកសុី​ដឹកឈើទៀត​

ឈ្មួញឈើឈ្មោះ ជឿង ថេង ចេញ ពីគុក​ មិនទាន់បាន​ប៉ុន្មានខែផង ឥឡូវរកសុី​ដឹកឈើទៀត​

ឈ្មួញឈើឈ្មោះ ជឿង ថេង ចេញ ពីគុក​ មិនទាន់បាន​ប៉ុន្មានខែផង ឥឡូវរកសុី​ដឹកឈើទៀត​

ឈ្មួញឈើឈ្មោះ ជឿង ថេង ចេញ ពីគុក​ មិនទាន់បាន​ប៉ុន្មានខែផង ឥឡូវរកសុី​ដឹកឈើទៀត​