ប្តី​ប្រពន្ធ​ស្រវឹង​ដូចគ្នា និយាយ​មិន​ត្រូវ​គ្នា កាប់​ចាក់​គ្នា​របួស​ធ្ងន់​ទាំង​២​នាក់

កំពង់ស្ពឺ)៖ ហេតុការណ៍នេះ កើតឡើងនៅម៉ោង១៩និង២០នាទីយប់ ថ្ងៃទី២៩ ខែកញ្ញា ឆ្នាំ២០១៦ នៅភូមិដំបងវេញ ឃុំសង្កែសាទប ស្រុកឱរ៉ាល់ ប្តីឈ្មោះ ម៉ុន ឃីម អាយុ៤៥ឆ្នាំ ប្រពន្ធឈ្មោះ សុខ គា អាយុ៤៤ឆ្នាំ មានមុខរបរធ្វើស្រែ មានកូន៣នាក់ (ស្រី២នាក់)។
ប្តីប្រពន្ធ២នាក់ ដែលផឹកស្រាស្រវឹងដូចគ្នា បានផ្ទុះជម្លោះពាក្យសំដីជាមួយគ្នា ឈានដល់ការកាប់ចាក់គ្នារបួសបែកក្បាលហូរឈាមទាំង២នាក់។
បន្ទាប់ពីកើតហេតុ សមត្ថកិច្ច និងប្រជាការពារភូមិ បានដឹកជនគ្រោះទាំងពីរនាក់ ទៅព្យាបាលនៅមណ្ឌលសុខភាពស្រុកឱរ៉ាល់៕

ប្តី​ប្រពន្ធ​ស្រវឹង​ដូចគ្នា និយាយ​មិន​ត្រូវ​គ្នា កាប់​ចាក់​គ្នា​របួស​ធ្ងន់​ទាំង​២​នាក់