រថយន្ត បុកម៉ូតូ បណ្តាលឲ្យស្លាប់ម្នាក់ និងរបួសធ្ងន់ម្នាក់ នៅផ្លូវជាតិលេខ៣៣

កែប៖​ រថយន្តបុកម៉ូតូ ស្លាប់១នាក់ និងរបួសធ្ងន់ម្នាក់ កាលពីវេលាម៉ោង​៥:១៥នាទីល្ងាច ថ្ងៃទី០១ ខែតុលា ឆ្នាំ២០១៦ លើកំណាត់ ផ្លូវជាតិលេខ៣៣​ ស្ថិតនៅចំនុចខាងជើងផ្ទះសំណាក់វិសាលសក្ដិប្រហែល១០០ម៉ែត្រ​ ក្នុងភូមិថ្មី​ សង្កាត់​ព្រៃធំ ក្រុងកែប ខេត្ត​កែប។

នគរបាលមូលដ្ឋាន បានប្រាប់ឲ្យដឹងថា​ រថយន្តមិនស្គាល់អត្តសញ្ញាណ បើកពីក្រោយម៉ូតូរងគ្រោះ ស្របទិសគ្នាពីជើងទៅត្បូង លុះដល់កន្លែងកើតហេតុ រថយន្តបង្កក៏បានបុកម៉ូតូ បណ្តាលឲ្យស្លាប់១នាក់ និងរបួស​ធ្ងន់​១នាក់។ ក្រោយហេតុការណ៍ភ្លាមរថយន្តបង្ក បានបន្ថែមល្បឿនយ៉ាងលឿន បើកគេចខ្លួនបាត់​ ដោយឡែកខាង ម៉ូតូរងគ្រោះ ម៉ាកសេ១២៥ ពណ៌ខ្មៅ​ ពាក់ស្លាកលេខភ្នំពេញ1B 5317 បើកបរដោយឈ្មោះប៉ុង រ៉ាត់ ភេទ​ប្រុស អាយុ២៤ឆ្នាំ​ រស់នៅភូមិដំណាក់ចំបក់ សង្កាត់អូរក្រសា ក្រុង​ និងខេត្តកែប(ស្លាប់នៅនឹងកន្លែងកើតហេតុ)។

រីឯអ្នករួមដំណើរ មានឈ្មោះ ប៉ុង ព្រឿង ភេទប្រុស អាយុ២៦ឆ្នាំ (ត្រូវជាបងប្អូន) រងរបួសធ្ងន់ រស់នៅភូមិជាមួយគ្នាដែរ។ ពេលនេះកម្លាំងសមត្ថកិច្ច បាននិងកំពុងស្រាវជ្រាវបន្ត៕

ប្រភព ៖

កំណត់ត្រាខ្មែរឡូត៖

សម្រាប់ហេតុការណ៍គ្រោះថ្នាក់ចរាចរណ៍កាលពីថ្ងៃម្សិលមិញនេះដែរ ក៏បានកើតឡើងនៅក្នុងខេត្ដពោធិ៍សាត់ ទទួលបានការជួយអន្តរាគមន៍ សង្គ្រោះបន្ទាន់ ពីអភិបាលខេត្តពោធិ៍សាត់។

គួររំលឹកថា យ៉ាងហោចណាស់មានមនុស្សក្មេងចាស់ប្រុសស្រី របួសធ្ងន់ស្រាល ប្រមាណ ២៥នាក់ ក្នុងហេតុការណ៍គ្រោះថ្នាក់ចរាចរណ៍ក្រឡាប់រថយន្ត ដោយសារអ្នកបើកបរស្ថិតក្នុងស្ថានភាពស្រវឹង ត្រឡប់មកពីរមណីយដ្ឋានច្រកល្អៀងវិញបើកធ្លាក់ផ្លូវ។ ហេតុការណ៍ដ៏គួឲ្យរន្ធត់មួយនេះ កើតឡើងនៅវេលាម៉ោង ០៥ និង៣០នាទីល្ងាច ថ្ងៃទី០១ ខែតុលា ឆ្នាំ២០១៦ នៅលើផ្លូវលំក្រាលគ្រួសក្រហម ត្រង់ចំណុចខាងត្បូងស្ពានយ៉ោកចម្ងាយ ១គីឡូម៉ែត្រ (ផ្លូវទៅរមណីយដ្ឋានច្រកល្អៀង) ស្ថិតក្នុងភូមិបំណក់ ឃុំឈើតុំ ស្រុកក្រគរ ខេត្តពោធិ៍សាត់។

លោក ឯម រុន អធិការនគរបាលនគរបាលស្រុកក្រគរ បានប្រាប់ភ្នាក់ងារ Fresh News ឲ្យដឹងនៅព្រឹកថ្ងៃទី០២ ខែតុលានេះថា គ្រោះថ្នាក់ចរាចរណ៍នេះ បណ្តាលមកពី អ្នកបើកបររថយន្តម៉ាក TITAN ១,៥តោន ព័ណ៌ខៀវ ពាក់ស្លាកលេខ ពោធិ៍សាត់ 2A-0831 បើកបរដោយឈ្មោះ សំ ផែន ភេទប្រុស អាយុ ៥០ឆ្នាំ ជនជាតិខ្មែរ បច្ចុប្បន្នរស់នៅភូមិទួលអណ្តែត ឃុំស្វាយស ស្រុកក្រគរ ខេត្តពោធិ៍សាត់ បានបើកបរស្ថិតក្នុងស្ថានភាពស្រវឹងជោក ត្រឡប់មកពីរមណីយដ្ឋានច្រកល្អៀងវិញ ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើ បានរេចង្កូតធ្លាក់ពីលើចញ្ចើមផ្លូវ បណ្តាលឲ្យក្រឡាប់ របួសធ្ងន់មនុស្ស ១៩នាក់ និងរបួសស្រាលមនុស្ស ០៦នាក់។

ក្រោយពេលកើតហេតុ ដំណឹងនេះបានទៅដល់ លោក ម៉ៅ ធនិន អភិបាលខេត្តពោធិ៍សាត់ ភ្លាមនោះលោកបានដឹកនាំកម្លាំងចុះអន្តរាគមន៍បញ្ជាផ្ទាល់ ដើម្បីសម្រួល និងពន្លឿន ជុំវិញការជួយសង្គ្រោះបន្ទាន់ ក្នុងហេតុការណ៍ដ៏គួរឲ្យរន្ធត់មួយនេះ នៅមន្ទីរពេទ្យបង្អែកពោធិ៍សាត់។ ចំពោះអ្នករបួសស្រាល ០៦នាក់ ត្រូវសម្រាកព្យាបាលនៅទីនោះសិន ដោយឡែកអ្នករបួសធ្ងន់ ១៩នាក់ លោកបានអន្តរាគមន៍ សុំរថយន្តសង្គ្រោះបន្ទាន់ពី អង្គភាពដែលមានការពាក់ព័ន្ធ ដើម្បីបញ្ជូនពួកគេទៅកាន់មន្ទីរពេទ្យកាល់ម៉ែត្រ នៅរាជធានីភ្នំពេញផងដែរ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

រថយន្ត បុកម៉ូតូ បណ្តាលឲ្យស្លាប់ម្នាក់ និងរបួសធ្ងន់ម្នាក់ នៅផ្លូវជាតិលេខ៣៣

រថយន្ត បុកម៉ូតូ បណ្តាលឲ្យស្លាប់ម្នាក់ និងរបួសធ្ងន់ម្នាក់ នៅផ្លូវជាតិលេខ៣៣

រថយន្ត បុកម៉ូតូ បណ្តាលឲ្យស្លាប់ម្នាក់ និងរបួសធ្ងន់ម្នាក់ នៅផ្លូវជាតិលេខ៣៣