អាណិតណាស់លោកអើយ! ជិះម៉ូតូចុះកំពង់ចម្លង ទាក់ដៃចង្កូតគ្នា ធ្លាក់ប្រពន្ធបាក់កស្លាប់

(កណ្តាល)៖ ស្ត្រីលក់ត្រីម្នាក់ ធ្លាក់ពីលើម៉ូតូបាក់កស្លាប់ភ្លាមៗ នៅនឹងកន្លែង ខណៈប្តីឌុបចុះកំពង់ចម្លងទាក់ដៃចង្កូត ជាមួយម៉ូតូមួយគ្រឿងទៀត។

ហេតុការណ៍នេះ កើតឡើង​នាម៉ោង៣៖៥០នាទីទៀបភ្លឺ ថ្ងៃទី៤ ខែតុលា ឆ្នាំ២០១៦ នៅចំណុចផ្លូវលេខ១១០ ភូមិបារ៉ែនក្រោម ឃុំស្វាយប្រទាល ស្រុកស្អាង ខេត្តកណ្ដាល​។

មន្ដ្រីនគរបាល បានឲ្យដឹងថា ស្ត្រីរងគ្រោះឈ្មោះ ញ៉ គឹមស៊ន អាយុ៥២ឆ្នាំ និងប្តីឈ្មោះ ញឹម ញ៉ែម អាយុ៥៤ឆ្នាំ អ្នកទាំងពីរ មានមុខរបរដឹកត្រីលក់ ហើយជិះម៉ូតូមួយគ្រឿង Honda Wave ពណ៌ក្រហម គ្មានផ្លាកលេខ មានទីលំនៅភូមិព្រែក ឃុំត្រើយស្លា ស្រុកស្អាង ខេត្តកណ្ដាល ចំណែកភាគីម្ខាងទៀត បើកម៉ូតូម៉ាកហុងដា ​គុបជ្រុង C​90 ពណ៌សំបកឪឡឹក ពាក់ផ្លាកលេខ ផ-២៦៤៧ ភព១ បើកបរដោយឈ្មោះ គង់ ទ្រី ភេទប្រុស អាយុ៥៦ឆ្នាំ មុខរបរដឹកត្រី ដូចគ្នាមានទីលំនៅភូមិព្រែក ឃុំត្រើយស្លា ស្រុកស្អាង​។

មន្ដ្រីដដែល ​បន្តថា មុនពេលកើតហេតុ​គេឃើញម៉ូតូដឹកត្រីទាំងពីរគ្រឿង បើកបរស្របទិសគ្នា ពីត្បូងទៅជើង លុះដល់ចំណុចកើតហេតុ ក៏បត់ចុះកំពង់ចម្លងផ្សារស្អាង ស្រាប់តែទាក់ដៃចង្កូតគ្នាបណ្តាល ឲ្យដួលធ្លាក់ស្ត្រីរងគ្រោះ ជិះលើទ្រង់ត្រីពីក្រោងបោក ទៅនឹងថ្នល់ បាក់កស្លាប់ភ្លាមៗ ពេលនោះ​អ្នកបើកម៉ូតូម្ខាងទៀត បានព្យាយាមបើករត់គេចខ្លួនបាត់។

ក្រោយកើតហេតុ នគរបាលជំនាញ បានចុះដល់រួចធ្វើកំណត់ហេតុ យកម៉ូតូទាំងពីរគ្រឿងមករក្សាទុក ដើម្បីស្រាវជ្រាវស្វែងរកម៉ូតូម្ខាងទៀត​ មកដោះស្រាយគ្នាទៅតាមផ្លូវច្បាប់ រីឯសពត្រូវបានក្រុមគ្រួសារយកទៅធ្វើបុណ្យតាមប្រពៃណី៕

ប្រភព ៖

កំណត់ហេតុខ្មែរឡូត៖

ដោយឡែក ករណីមួយផ្សេងទៀត កាលពីលើកមុន   ។

ជនរងគ្រោះទាំង៥នាក់ ១-ឈ្មោះផាត់ ចិន ភេទប្រុស ​(អ្នកបើក) ២-ឈ្មោះសាយ ពេញ (ប្រពន្ធ) ៣-ឈ្មោះចិន ប៊ុនភី អាយុ៤ឆ្នាំ (កូន) ៤-ឈ្មោះចិន ប៊ុនថា ភេទប្រុស អាយុ២ឆ្នាំ (កូន) និង៥-ឈ្មោះ ចិន ប៊ុនថេត ភេទប្រុស អាយុ១ឆ្នាំ (កូនបាត់ខ្លួន) ពួកគេមានទីលំនៅ​ក្នុងភូមិ‌‌ព្រែកឃុំចំប៉ីស្រុកបាទី ខេត្តតាកែវ ជិះម៉ូតូ១គ្រឿង​ម៉ាក​គុបមូល ពណ៌ទឹកប៊ិច គ្មានស្លាកលេខ ។

ប្រភពបន្តថា ​ជនរងគ្រោះឈ្មោះ​ផាត់ ចិន បានបើកម៉ូតូ១គ្រឿង​ម៉ាកគុបមូល បានឌុបប្រពន្ធនិងកូនចំនួន​៤នាក់​ ដោយបើកឆ្លងកាត់ផ្លូវស្ពាន​ទំនប់បង្ហៀរទឹក ដើម្បី​មក​លេង​ឪពុកម្តាយ នៅភូមិត្រពាំកក់ ឃុំសំរោងលើ ស្រុកអង្គស្នួល ខេត្តកណ្តាល ។ លុះមក​ដល់ទំនប់បង្ហៀរទឹក ក៏រអិលបានដួលម៉ូតូធ្លាក់ចូល​អូរ ធ្វើ​ឱ្យ​ក្មេង​ម្នាក់​ឈ្មោះចិន ប៊ុនថេត ចាប់មិនទាន់ ក៏ធ្លាក់ចូលអូរបាត់តែម្តង ។ ​

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

អាណិតណាស់លោកអើយ! ជិះម៉ូតូចុះកំពង់ចម្លង ទាក់ដៃចង្កូតគ្នា ធ្លាក់ប្រពន្ធបាក់កស្លាប់

អាណិតណាស់លោកអើយ! ជិះម៉ូតូចុះកំពង់ចម្លង ទាក់ដៃចង្កូតគ្នា ធ្លាក់ប្រពន្ធបាក់កស្លាប់

អាណិតណាស់លោកអើយ! ជិះម៉ូតូចុះកំពង់ចម្លង ទាក់ដៃចង្កូតគ្នា ធ្លាក់ប្រពន្ធបាក់កស្លាប់

អាណិតណាស់លោកអើយ! ជិះម៉ូតូចុះកំពង់ចម្លង ទាក់ដៃចង្កូតគ្នា ធ្លាក់ប្រពន្ធបាក់កស្លាប់

អាណិតណាស់លោកអើយ! ជិះម៉ូតូចុះកំពង់ចម្លង ទាក់ដៃចង្កូតគ្នា ធ្លាក់ប្រពន្ធបាក់កស្លាប់