ភិន សុដាលីស ត្រៀមរួចរាល់ សម្រាប់កូនស្រីសំណព្វចិត្តរបស់នាង!

ភ្នំពេញ៖ តារាសម្តែងស្រី និងនាយកប្រតិបត្តិ ប្រចាំផលិតកម្មមហាហង្ស អ្នកនាង ភិន សុដាលីស បានត្រៀមនូវសម្ភារៈរួចរាល់ជាស្រេច ដើម្បីទទួលស្វាគមន៍កូនស្រីសំណព្វចិត្ត ដែលនឹងត្រូវលេចមុខក្នុងពេលឆាប់ៗនេះ។

ថ្មីៗនេះដែរ អ្នកម្តាយវ័យក្មេងរូបនេះ ក៏បានបង្ហាញអង្រឹងយោលតូច ពណ៌ផ្កាឈូក យ៉ាងស្រស់ស្អាត សម្រាប់កូនស្រីរបស់នាងឈ្មោះ" Katherina" ហៅកាត់ថា "Kate"។ មិនតែប៉ុណ្ណោះ នាងថែមទាំងសរសេរខាងលើរូបភាពថា "ដំឡើងរួចរាល់ហើយ សម្រាប់កូនKateរបស់ខ្ញុំ"។ 

គួរបញ្ជាក់ថា អ្នកនាង ភិន សុដាលីស នឹងសម្រាលកូនស្រី នៅដើមខែតុលានេះតែម្តង ក្នុងបន្ទប់ VIP ឯមន្ទីរពេទ្យ រ៉ូយាល់ នេះបើតាមសម្តីរបស់នាង ពេលធ្វើកិច្ចសម្ភាសន៍ជាមួយខ្មែរឡូតកន្លងមក។ ដូច្នេះហើយប្រិយមិត្តនឹងរង់ចាំមើលថា តើកូនស្រីរបស់អ្នកនាង ភិន សុដាលីស នឹងមានមុខមាត់គួរឲ្យស្រលាញ់ ដូចជាអ្នកនាងប៉ុណ្ណាដែរ?

កំណត់ហេតុខ្មែរឡូត៖

ដោយឡែក រំលឹកព័ត៌មានចាស់លើកមុនផងដែរថា ភិន សុដាលីស បានត្រៀមដាក់ឈ្មោះ ឲ្យកូនរួចជាស្រេច គឺមានឈ្មោះថា «katherina» ។ អ្វីដែលគួរឲ្យសង្វេគនោះ គឺអំឡុងនាងមានផ្ទៃពោះ គួរណាស់តែមានស្វាមីនៅក្បែរ ជួយថ្នាក់ថ្នម ដើម្បីផ្ដល់ភាពកក់ក្ដៅ និងកម្លាំងចិត្ត ប៉ុន្តែសម្រាប់តារាសម្ដែង ភិន សុដាលីស បែរជាគ្មានស្វាមីនៅក្បែរ ដែលធ្វើឲ្យនាងសំងំពពោះតែម្នាក់ឯង ហើយពេលលកូនកើតមក ក៏មិនបានទទួលការថ្នាក់ថ្នម ពីឪពុកនោះដែរ។

នៅលើបណ្តាញសង្គមហ្វេសប៊ុក របស់តារាស្រីនាង ភិន សុដាលីស បានសរសេរបង្ហោះ ភ្ជាប់ជាមួយរូបភាពរបស់នាងពពោះកូនក្នុងផ្ទៃបញ្ជាក់ដោយខ្លីថា «Oh ohh Baby 26 weeks Baby katherina » ដែលមានន័យជាភាសាខ្មែរថា «កូនមានផ្ទៃមានអាយុ ២៦ សប្តាហ៍ហើយ កូននឹងត្រូវដាក់ឈ្មោះថា katherina !»។

ក្រោយពីមានការបង្ហោះបែបនេះ ពីសំណាក់តារាស្រី ភិន សុដាលីស គេសង្កេតឃើញថា មាន ទស្សនិកជនជាច្រើន បានសម្ដែងការណិតអាសូរដល់នាង ខណៈកូនមិនទាន់បានឃើញពន្លឺថ្ងៃផង ក៏ស្រាប់តែត្រូវកំពា្រឪពុកតាំងពីចាប់កំណើតយ៉ាងដូច្នេះ។ ក្នុងនោះ ក៏មានអ្នកខ្លះបានលើកឡើងថា ត្រូវតាំងចិត្តឲ្យរឹងមាំឡើងស៊ូៗដល់ថ្ងៃមួយ ដែលយើងធ្វើបាន យើងនឹងហួសចិត្តស្មានមិនដល់ថា យើងអាចធ្វើវាបានដោយជោគជ័យ ស៊ូៗអ្នកម្ដាយគ្រប់រូប ដើម្បីកូនយើង អត់ប្រុសមិនប្រាកដថា យើងស្លាប់ ឬធ្វើមិនកើតនោះទេ។

សូមបញ្ជាក់ថា ជាការកត់សម្គាល់ ចាប់តាំងពីផ្ទុះរឿងរ៉ាវដ៏រសើប អំពីដំណឹងលែងលះគ្នា រវាងតារាសម្តែងស្រីនាង ភិន សុដាលីស ជាមួយស្វាមីគ្មានខាន់ស្លា ហើយត្រូវបានទស្សនិកជន ដាក់ងារថា «ជាប្តីហេងស៊យ» លោក ប៉ែន ចំរ៉ុង រហូតឡើងដោះស្រាយគ្នា នៅតុលាការមកនោះ មកទល់ពេលនេះ ពុំទាន់មានប្រភពណាមួយ ដឹងច្បាស់ពីមូលហេតុ ពិតនៃដំណើររឿង ដែលនាំឲ្យមានការបែកបាក់ របស់ប្តី-ប្រពន្ធពួកគេ ទាំងពីរនាក់នេះឡើយទេ។  

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload