ព្យុះ​ Chaba កំពុងឆ្ពោះទៅកាន់ជប៉ុន ក្រោយវាយប្រហារ កូរ៉េខាងត្បូង

ព្យុះ​ Chaba កំពុងឆ្ពោះទៅកាន់ជប៉ុន ក្រោយវាយប្រហារ កូរ៉េខាងត្បូង

នៅថ្ងៃទី៥ ខែតុលា ឆ្នាំ២០១៦ ខ្យល់ព្យុះកម្លាំងខ្លាំង Chaba បាននិងកំពុងធ្វើដំណើរឆ្ពោះទៅកាន់ជប៉ុនបន្ទាប់ពី វាបានវាយប្រហារកូរ៉េខាងត្បូង ដែនកោះរមណីយដ្ឋានបណ្តាលឲ្យទឹកជំនន់លិចផ្លូវ និងលុបចោលជើងហោះ ហើរជាច្រើនជើង ។

ទីភ្នាក់ងារឧតុនិយមជប៉ុនបញ្ជាក់ថា នៅពេលនេះ Chaba បាននិងកំពុងឆ្ពោះទៅកាន់ ភាគឦសានដែនកោះ Tsushima ភាគខាងត្បូងដែនកោះ Kyushu ដ៏ធំរបស់ជប៉ុន ដោយមានល្បឿន១៨០គីឡូម៉ែត្រក្នុងមួយម៉ោង ។

ឧតុនិយមជប៉ុនប្រកាសព្រមានផងដែរអំពីរលកសមុទ្រធំៗកើតឡើង ភ្លៀងធ្លាក់ខ្លាំងនិងទឹកជំនន់គ្របដណ្តប់ តំបន់ធំទូលាយភាគខាងលិចប្រទេសជប៉ុន ។

ខ្យល់ព្យុះនេះបានវាយប្រហារនៅកូរ៉េខាងត្បូងកាលពីព្រឹកថ្ងៃពុធ លើតំបន់រមណីយដ្ឋាន Jeju ធ្វើឲ្យលំនៅឋាន ច្រើនខ្នងពុំមានចរន្តអគ្គិសនីប្រើប្រាស់ ភ្លៀងធ្លាក់ខ្លាំង បង្កទឹកជំនន់ជន់លិចផ្លូវ ហើយជាងនេះទៀត ជើងហោះ ហើរច្រើនជើងត្រូវលុបចោល ។ នៅល្ងាចពុធ ខ្យល់ព្យុះ Chaba បានបាក់បោកចូលទឹកដីជប៉ុន មុនពេលទៅកាន់ មហាសមុទ្រប៉ាស៊ីហ្វិកនាថ្ងៃព្រហស្បតិ៍ ។

ទីភ្នាក់ងារយ៉ន់ហាប់ បានផ្សាយថា លំនៅឋានពលរដ្ឋនៅតំបន់រមណីយដ្ឋាន Jeju ជាង២៥.០០០ខ្នងរងផលប៉ះ ពាល់ ដាច់ចរន្តអគ្គិសនី ខណៈដែលនៅរដ្ឋធានី Busan សាលារៀន៩០០ខ្នងត្រូវបិទទ្វារ ។ ជាមួយគ្នានេះ អ្នកធ្វើ ដំណើរតាមទូក៦នាក់ត្រូវរលកធំបក់បោកយកទៅនៅភាគខាងត្បូងកំពង់ផែ Yeosu ។ ជនរងគ្រោះត្រូវ សង្គ្រោះបានទាន់ពេលផងដែរ ៕

ប្រភព ៖ nokorwatnews

  • ព្យុះ​ Chaba កំពុងឆ្ពោះទៅកាន់ជប៉ុន ក្រោយវាយប្រហារ កូរ៉េខាងត្បូង已关闭评论
  • 1 views
  • Hide Sidebar
    A+
Publish on:2016/10/05  Category:កំសាន្ត
Tags: