អង្ករយួនជិត២ ០០០តោន ត្រូវបានអាមេរិករកឃើញមានប្រើសារធាតុគីមីហួសកម្រិតកំណត់

គេហទំព័រសារព័ត៌មាន VNEXPRESS បានផ្សាយកាលពីថ្ងៃទី០១ ខែតុលា ឆ្នាំ២០១៦កន្លងទៅថ្មីៗនេះឲ្យដឹងថា ក្រសួងកសិកម្ម និងអភិវឌ្ឍន៍ជនបទវៀតណាម បានសម្រេចផ្អាកជាបណ្ដោះអាសន្ននូវការនាំចេញអង្កររបស់ខ្លួនទៅកាន់ទីផ្សារសហរដ្ឋអាមេរិក ដែលការសម្រេចដូច្នេះកើតឡើងក្រោយពីរដ្ឋបាលអាហារ និងឱសថសហរដ្ឋអាមេរិក (FDA) បានពិនិត្យរកឃើញថា អង្ករវៀតណាមមានប្រើប្រាស់សារធាតុគីមីហួសកម្រិតកំណត់ចំនួន៨ប្រភេទ ជាពិសេសបរិមាណសារធាតុថ្នាំសម្លាប់សត្វល្អិតនៅក្នុងអង្ករបណ្ដាលឲ្យប៉ះពាល់ដល់សុខភាព ។

អង្ករយួនជិត២ ០០០តោន ត្រូវបានអាមេរិករកឃើញមានប្រើសារធាតុគីមីហួសកម្រិតកំណត់

Loading...

សមាគមចំណីអាហាររបស់វៀតណាមបានបញ្ជាក់ឲ្យដឹងថា សហរដ្ឋអាមេរិកដែលបញ្ជាទិញអង្ករពីប្រទេសវៀតណាម បានសម្រេចច្រានចោលការបញ្ជាទិញអង្ករវៀតណាមចំនួន៩៤កុងតឺន័រ ស្មើនឹងប្រមាណ១ ៧០០តោន ។

យោងតាមទិន្នន័យរបស់អាជ្ញាធរគយវៀតណាមបានបង្ហាញឲ្យដឹងថា រយៈពេល០៨ខែក្នុងឆ្នាំ២០១៦នេះ វៀតណាមបាននាំចេញអង្ករចំនួន២២ ០៨៤តោនទៅកាន់ទីផ្សារសហរដ្ឋអាមេរិក ៕

ប្រភព៖ dtn7


ព័ត៌មានទាក់៖ សហរដ្ឋអាមេរិក ប្រកាសផ្អាកនាំចូលអង្ករពី វៀតណាម ក្រោយពិនិត្យថា បានប្រើថ្នាំគីមីច្រើនប្រភេទ និងហួសកំណត់

(ហាណូយ)៖ ក្រសួងកសិកម្ម និងអភិវឌ្ឍន៍ជនបទរបស់វៀតណាម បានស្នើឲ្យអ្នកនាំចេញអង្ករទាំងអស់របស់ប្រទេស ធ្វើការគ្រប់គ្រងដោយយកចិត្តទុកដាក់ទៅលើគុណភាពស្រូវអង្ករ បន្ទាប់ពីការនាំចេញអង្ករមួយចំនួន ត្រូវបានអាមេរិកបដិសេធមិនទទួលយក។ នេះបើតាមការផ្សាយនៅមុននេះបន្តិច ដោយទីភ្នាក់ងារព័ត៌មានចិន ស៊ិនហួរ នាល្ងាចថ្ងៃពុធ ទី០៥ ខែតុលា ឆ្នាំ២០១៦។

ទីភ្នាក់ងារព័ត៌មានរដ្ឋវៀតណាម បានឲ្យដឹងថា ក្រសួងកសិកម្មបានអំពាវនាវឲ្យបណ្តាអ្នកនាំចេញនៅក្នុងប្រទេសវៀតណាម ធ្វើការត្រួតពិនិត្យ និងវាយតម្លៃឲ្យបានត្រឹមត្រូវលើបរិមាណនៃសារធាតុថ្នាំ សម្លាប់សត្វល្អិតនៅក្នុងអង្ករ ដែលត្រូវបាននាំចេញទៅកាន់សហរដ្ឋអាមេរិក ដើម្បីចៀសវាងបញ្ហានៅពេលក្រោយៗទៀត។

បើយោងតាមក្រសួងខាងលើដដែល បានឲ្យដឹងទៀតថា ខណៈពេលដែលកំពុងធ្វើការត្រួតពិនិត្យអង្ករនាំចេញរបស់វៀតណាម រដ្ឋបាលអាហារ និងឱសថអាមេរិក បានរកឃើញថា នៅក្នុងអង្ករដែលត្រូវបាននាំចូលពីប្រទេសវៀតណាម មានផ្ទុកសារធាតុគីមីចំនួន ៨ប្រភេទ ដែលមានបរិមាណលើសកម្រិត និងអាចបង្កគ្រោះថ្នាក់ដល់សុខភាពបាន។

គួរបញ្ជាក់ដែរថា សារធាតុគីមីទាំង ៨ប្រភេទនោះ គឺជាថ្នាំសម្លាប់សត្វល្អិត ដែលត្រូវបានអនុញ្ញាត ឲ្យប្រើប្រាស់នៅក្នុងប្រទេសវៀតណាម។ ដោយឡែកក្រសួងកសិកម្ម និងអភិវឌ្ឍន៍វៀតណាម ក៏បានបញ្ជូនគណៈប្រតិភូប្រទេសខ្លួន ទៅកាន់អាមេរិកដើម្បីដោះស្រាយបញ្ហានេះផងដែរ៕

អង្ករយួនជិត២ ០០០តោន ត្រូវបានអាមេរិករកឃើញមានប្រើសារធាតុគីមីហួសកម្រិតកំណត់

អង្ករយួនជិត២ ០០០តោន ត្រូវបានអាមេរិករកឃើញមានប្រើសារធាតុគីមីហួសកម្រិតកំណត់

ប្រភព៖ freshnewsasia