តោះមកស្តាប់បទថ្មីរបស់ ធែល ថៃ ម្ចាស់ពានរង្វាន់ The Voice Cambodia ២ ទាំងអស់គ្នា ចង់ដឹងថាពិរោះយ៉ាងណា! (មានវីដេអូ)

ភ្នំពេញ៖ កាលពីថ្ងៃពុធកន្លងទៅនេះ ធែល ថៃ ម្ចាស់ពានរង្វាន់ The Voice Cambodia វគ្គ២ បានបញ្ចេញនូវបទចម្រៀង ស្នាដៃនិពន្ធថ្មីមួយបទថ្មីទៀតហើយ ដែលមានចំណងជើងថា «ស្រលាញ់នារីខ្មែរ»។

គួររំលឹកថា សម្រាប់មួយរយៈកន្លងទៅនេះ លោក ធែល ថៃ ក៏បានបញ្ចេញបទចម្រៀង Original មួយបទផងដែរ ដែលមានចំណងជើងថា «ចង់ទៅ ទៅៗ» ដែលច្រៀងឆ្លងឆ្លើយ Version ស្រីប្រុស ជាមួយនឹង កញ្ញា ឱក សុគន្ធកញ្ញា ដោយទទួលបានការគាំទ្រយ៉ាងណាច្រើន ពីសំណាក់អ្នកគាំទ្រផងដែរ។  

ទន្ទឹមនឹងការចេញបទចម្រៀង Original Song លើកដំបូងរបស់លោក នៅមិនទាន់បានចេញនូវ MV ចម្រៀងផងនោះ ក៏ស្រាប់តែថ្មីៗនេះ ផលិតកម្មរស្មីហង្សមាស បានបង្ហើបនូវចម្រៀងថ្មីរបស់លោកមួយបទទៀត គឺបទ «ស្រលាញ់នារីខ្មែរ»។

ដូចនេះបើចង់ដឹងបទថ្មី មានអត្ថន័យយ៉ាងណា តោះស្តាប់ទាំងអស់គ្នា៖

កំណត់ហេតុខ្មែរឡូត៖ 

ដោយឡែក រំលឹកព័ត៌មានចាស់លើកមុនផងដែរថា មុនថ្ងៃប្រកាសលទ្ធផល The Voice Cambodia រដូវកាលទី២នេះដែរ ទំព័រហ្វេសប៊ុកផេក Khmerload ក៏បានធ្វើការស្ទង់មតិ តាមរយៈមុខងារ Poll ដែលមានដំបូងគេបំផុត និងមានតែមួយគត់នៅកម្ពុជា ថាតើបេក្ខជនរូបណា នឹងអាចក្លាយជាម្ចាស់ជ័យលាភី ដែលការស្ទង់មតិនេះ បានចាប់ផ្ដើមកាលពីរសៀលថ្ងៃទី១៦ ដល់ព្រឹកថ្ងៃទី១៨ មិថុនា ដោយមានការចូលរួមបោះឆ្នោតគាំទ្រជាង ៣ម៉ឺនសម្លេង។ បើតាមការបោះឆ្នោតពីប្រិយមិត្តនៅលើបណ្ដាញសង្គម តាមរយៈទំព័រហ្វេសប៊ុកផេក Khmerload បានបង្ហាញលទ្ធផលឲ្យឃើញថា លោក ថែល ថៃ បានទទួលការបោះឆ្នោតគាំទ្រច្រើនជាងគេចំនួន ៣៧% ខណៈដែលសម្លេងឆ្នោតយ៉ាងប្រកិតដែរនោះ ៣២% បានទៅលើកញ្ញា ឈីន រតនៈ។ ស្របពេលដែល លោក ឃី សុឃុន បានទទួលការគាំទ្រតែ ១៧% និងកញ្ញា សាន ស្រីឡៃ បានសម្លេងតិចជាងគេ ១៤%។

អ្វីដែលរឹតតែពិសេសនោះ គឺមានការបញ្ចេញមតិមួយចំនួន បានសរសេរថា៖

«ខ្ញុំទាយថាBថែលថៃជាអ្នកលើកពាន ព្រោះសម្លេងថែលថៃល្អ ច្រៀងបានគ្រប់បទ ហើយគាត់ច្រៀងពិរោះ ជូនពរឲ្យថែលថៃលើកពាន»

ខណៈអ្នកផ្សេងទៀតដែលគាំទ្រ កញ្ញា ឈីន រតនៈ វិញបាននិយាយថា៖

«សម្រាប់ខ្ញុំក្នុងចំណោមអ្នកទាំងបួន គឺ ឈីន រតនៈ ទើបសមជាម្ចាស់ពាន The Voice Cambodia Season 2 ព្រោះថាសម្លេងពិរោះ អាចច្រៀងបត់បែនទៅតាមបទចម្រៀង ច្រៀងអង់គ្លេសក៏បានល្អ ហើយថែមទាំងស្រស់ស្អាតផង ជូនពរឲ្យជោគជ័យ»

ក្នុងនោះ លោក ថែល ថៃ ទទួលបានសម្លេងគាំទ្រច្រើនជាងគេបំផុត តាមរយៈការស្ទង់មតិនៅលើទំព័រហ្វេសប៊ុកផេក Khmerload ដែលរូបគេជាកូនក្រុមរបស់ Coach ឱក សុគន្ធកញ្ញា។ គួររំលឹកផងដែរថា កញ្ញក៏ធ្លាប់ត្រូវបានគេរិះគន់អំពីការជ្រើសរើសកូនក្រុម និងបេក្ខជនមិនបានល្អផងដែរ ទាំងនៅក្នុងកម្មវិធី The Voice Cambodia រដូវកាលទី១ និង Cambodia Idol កន្លងមក ដោយមានការមើលឃើញថា រាល់បេក្ខជន ដែលកញ្ញាមិនបានជ្រើសរើស សុទ្ធតែបានលើកពាន។ ទោះយ៉ាងណា ពេលនេះអ្វីៗបានបញ្ជាក់ឡើងវិញហើយថា លើកនេះ «កញ្ញា» ពិតជាជ្រើសរើសកូនក្រុមបានល្អពិតមែន។

អ្វីដែលមិននឹកស្មានដល់នោះ គឺការស្ទាបស្ទង់មតិ តាមរយៈទំព័រផេក Khmerload ពិតជាត្រឹមត្រូវប្រាកដមែន ដែលបេក្ខជន ថែល ថៃ បានក្លាយជាម្ចាស់ពាន The Voice Cambodia រដូវកាលទី២ ដូចអ្វីដែលប្រិយមិត្តបានគិតទុកជាមុន និងបោះឆ្នោតគាំទ្រ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload