នគរបាលបង្រ្កាបកន្លែងជល់មាន់ នៅស្រុកសង្កែ ឃាត់បានមនុស្ស ៥នាក់​យកមកអប់រំ​

(បាត់ដំបង)៖ ក្រោម​បទ​បញ្ជា​ផ្ទាល់​ពី ​លោក​ ស​ ថេត​ ស្នងការ​នគរបាល​ខេត្ត​បាត់ដំបង​ លោក​ឧត្ដម​សេនីយ៍​ត្រី​ ជេត​ វណ្ណនី​ ស្នងការ​រង​ទទួល​ផែន​យុត្តិធម៌ បាន​ដឹក​នាំ​កម្លាំង​ក្រុម​បង្ការបង្រ្កា​ប ​នៃស្នងការដ្ឋាននគរបាលខេត្ត​ ចុះ​ប្រតិបត្តិ​ការ​បង្រ្កាប​កន្លែង​ជល់​មាន់​មួយកន្លែង​​ ចាប់​ឃាត់​ខ្លួន​មនុស្ស​៥នាក់ និង​វត្ថុ​តាង​មួយ​ចំនួន​ទៀត​។

​​លោក​អនុសេនីយ៍​ សឿង​ គឹមសុង​ ប្រធាន​ក្រុម​បង្ការ​បង្រ្កាប​បាន​ប្រាប់​ឲ្យ​ដឹង​ថា​ នៅ​ម៉ោងរសៀលថ្ងៃទី​៦ ខែតុលា ឆ្នាំ២០១៦ ក្រុម​បង្ការបង្ក្រាបបានចុះប្រតិបត្តិការបង្ក្រាប ទីតាំងភ្នាល់ល្បែងស៊ីសង (ភ្នាល់មាន់ជល់) មួយកន្លែង ដែលស្ថិតក្នុងភូមិខ្សោយ ឃុំអន្លង់វិល ស្រុកសង្កែ ខេត្តបាត់ដំបង ដោយសារតែផ្លូវចូលមានការលំបាកដូច្នេះហើយ ទើបក្រុមបង្ការបង្ក្រាប ឃាត់ខ្លួន​បានមនុស្ស៥នាក់​ ម៉ូតូ៤គ្រឿង បន្ទាប់មកកម្លាំងជំនាញបាននាំខ្លួនជនសង្ស័យ ទាំង​៥​នាក់នោះ មកកាន់ស្នងការដ្ឋាន រួចបានបញ្ជូនឲ្យ​ការិយាល័យជំនាញដើម្បីចាត់ការបន្ត។

ក្នុងនោះដែរលោក​បានណែនាំ ប្រជាពលរដ្ឋចាស់ៗ ប្រហែលជា១០នាក់ ដែលអង្គុយលេងបៀរតងនៅក្បែរកន្លែងជល់មាន់នោះ ឲ្យឈប់លេងល្បែងស៊ីសងតទៅទៀត ពួកគាត់បាន​ត្រឡប់​ទៅ​ផ្ទះ​វិញ​ដែរ​។ ប៉ុន្ដែក្រុម​អ្នកញៀនល្បែងភ្នាល់ជល់មាន់ ត្រូវបានការិយាល័យជំនាញ ឲ្យធ្វើកិច្ចសន្យាបញ្ឈប់លេងតទៅទៀត និងឲ្យវិលត្រឡប់ទៅផ្ទះវិញ៕

ប្រភព ៖

កំណត់ហេតុខ្មែរឡូត៖

 គួររំលឹកផងដែរថា កម្លាំងនគរបាលប៉ុស្តិ៍ក្រាំងយ៉ូវ ស្រុកស្អាង ខេត្តកណ្តាល នៅក្បាលព្រលប់ថ្ងៃទី២៨ ខែសីហា ឆ្នាំ២០១៦ បន្ទាប់ពីទទួលបានព័ត៌មាន ស្តីពីវង់ល្បែងស៉ីសង ជល់មាន់ និងបាញ់អាប៉ោងនោះ បានចុះទៅបង្ក្រាបជាបន្ទាន់ ដោយបានប្រមូលវត្ថុតាងមួយចំនួនផងដែរ យកមករក្សាទុក ខណ:ដែលអ្នកញៀនល្បែងទាំងនោះដឹងខ្លួនមុន បាននាំគ្នារត់ព្រោងព្រាតតែម្តង។

លោក ចាន់ រស្មី នាយនគរបាលប៉ុស្តិ៍ក្រាំងយ៉ូវ បានបញ្ជាក់នៅព្រឹកនេះថា «ទីតាំងល្បែងមួយនេះ ខ្ញុំ បានទទួលបទបញ្ជាភ្លាមៗ ពីលោកស្នងការ និងលោកអធិការ បានចុះទៅបង្ក្រាប និងបិតចោលតែម្តង មិនឲ្យបន្តលេងទៀតឡើយ ពីព្រោះវាធ្វើឲ្យប៉ះពាល់ដល់ គោលនយោបាយភូមិឃុំមានសុវត្ថិភាព»។

នាយនគរបាលប៉ុស្តិ៍រូបនេះ បានបន្តទៀតថា ថ្នាក់លើបានដាក់បទបញ្ជាយ៉ាងតឹងរ៉ឹងដល់កម្លាំងក្រោមឱវាទ ចំពោះល្បែងស៉ីសងគ្រប់ប្រភេទ ត្រូវតែបង្ក្រាបជាដាច់ខាត មិនឲ្យកើតមាននៅក្នុងមូលដ្ឋានរបស់ឡើយ ប៉ុន្តែចំពោះទីតាំងជល់មាន់នេះ វាមានការឆកល្វែងខ្លះដោយសារ ក្រុមអ្នកលេងល្បែងប្រជល់មាន់នេះ គឺពួកគេដូចឈ្លើងក្រឡះដោយគេកាន់មាន់ផ្គូផ្គងគ្នាត្រូវរ៉ូវហើយ បានគេបីមាន់ចេញទៅរកឱកាសល្អបោះព័ទ្ធកៅស៊ូជល់ប្រាវៗទៅបាត់អស់ ទើបកម្លាំងនគរបាលពិបាកក្នុងការតាមបង្ក្រាប។ ម្យ៉ាងវិញទៀត កាលពីម្សិលមិញ វាជាឱកាសល្អសម្រាប់លេងល្បែងទាំងអស់ហ្នឹង ជាពិសេសក្រុមល្បែងប្រជល់មាន់នេះ តែម្តងដោយសារកម្លាំងរបស់លោកទាំងអស់ រវល់តែបំពេញកាតព្វកិច្ច ជូនប្រជាពលរដ្ឋមកធ្វើអត្តសញ្ញាប័ណ្ណ ទើបក្រុមនេះវាអាចឆ្មក់ឱកាសលេងបាន។

លោក ចាន់ រស្មី បានបន្តថា «ទោះបីជាលំបាកយ៉ាងណាក៏ដោយ ខ្ញុំនឹងខិតខំទប់ស្កាត់បង្ក្រាបឲ្យបានជាដាច់ខាត ចំពោះក្រុមនេះអ្នកលេងល្បែងស៉ីសងទាំងនេះ ប៉ុន្តែវាអាចមានចន្លោះប្រហោចបន្តិច ជាក់ជាមិនខានដោយសារកម្លាំងយើង តិចវាមិនអាចមើលគ្រប់ទីកន្លែងបាននោះទេតែ ខ្ញុំនិងខិតខំលុបបំបាត់ឲ្យទាល់តែបាន ដើម្បីអនុវត្តន៍ឲ្យបាននូវគោលនយោបាយភូមិ ឃុំមានសុវត្ថិភាពទាំង៩ចំណុច»។

សូមបញ្ជាក់ថា នៅថ្ងៃម្សិលមិញទីតាំងជល់មាន់ បង្កប់អាប៉ោង១វង់ដ៏ដំ ផងដែរកំពុងបើកលេងយ៉ាងកងរំពង នៅចំណុចមាត់បឹងក្នុងភូមិអំពិល ឃុំក្រាំងយ៉ូវ ស្រុកស្អាង ខេត្តកណ្តាល ដោយមិនបានរំខានដល់នគរបាល ឬអាវុធហត្ថស្រុក ខេត្តនោះទេ។

គេឃើញក្រុមអ្នកញៀនល្បែង ប្រជល់មាន់ ឬអាប៉ោង បានធ្វើដំណើរសម្រុក ទៅឃុំក្រាំងយ៉ូវបន្តកន្ទុយគ្នា ដោយទឹកមុខញញឹមញញែម រួចជិះចូល ទៅមាត់បឹងក្នុងភូមិអំពិល ឃុំក្រាំងយ៉ូវ គេបានឃើញទីតាំងប្រជល់មាន់ដ៏ធំមួយ និងមានបង្កប់អាប៉ោងមួយវង្សផងដែរ ដែលមានប្រជាពលរដ្ឋញៀនល្បែង អញ្ជើញមកពីតំបន់នានាជាច្រើន ចូលមកលេង ដោយបើកជល់ក្នុង១ថ្ងៃ ចន្លះពី២០ ទៅ៣០គូរ ដោយក្នុង១គូរៗ ដាក់លុយភ្នាល់រាប់លានរៀល ហើយក្នុង១គូរ គេដកដើមថាន់ចាប់ពី១០ម៉ឺនរៀល ឡើងទៅ ដូច្នេះក្នុង១ថ្ងៃ អាចដកដើមថាន់ បានរាប់លាន។

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

នគរបាលបង្រ្កាបកន្លែងជល់មាន់ នៅស្រុកសង្កែ ឃាត់បានមនុស្ស ៥នាក់​យកមកអប់រំ​

នគរបាលបង្រ្កាបកន្លែងជល់មាន់ នៅស្រុកសង្កែ ឃាត់បានមនុស្ស ៥នាក់​យកមកអប់រំ​

នគរបាលបង្រ្កាបកន្លែងជល់មាន់ នៅស្រុកសង្កែ ឃាត់បានមនុស្ស ៥នាក់​យកមកអប់រំ​

នគរបាលបង្រ្កាបកន្លែងជល់មាន់ នៅស្រុកសង្កែ ឃាត់បានមនុស្ស ៥នាក់​យកមកអប់រំ​

នគរបាលបង្រ្កាបកន្លែងជល់មាន់ នៅស្រុកសង្កែ ឃាត់បានមនុស្ស ៥នាក់​យកមកអប់រំ​

នគរបាលបង្រ្កាបកន្លែងជល់មាន់ នៅស្រុកសង្កែ ឃាត់បានមនុស្ស ៥នាក់​យកមកអប់រំ​