ព្រៃផ្សៃ​ណាស់ ! ហៅ​២​នាក់​បងប្អូន​បង្កើត​ចូល​​បន្ទប់ទឹក​ម្តងម្នាក់

ខេត្តបន្ទាយមានជ័យ ៖ បុរស​វ័យ​ចំណាស់​ម្នាក់​ ត្រូវ​បាន​កម្លាំង​កងរាជអាវុធហត្ថ​ចាប់ខ្លួន​បញ្ជូន​ទៅ​តុលាការ​ កាលពី​រសៀល​ថ្ងៃ​ទី​៧ ខែតុលា ឆ្នាំ​២០១៦ ដោយ​ចោទប្រកាន់​ថា​បាន​ប្រទូស្ត​កេរ្តិ៍​ក្មេង​ស្រី​ ២​នាក់​បងប្អូន​បង្កើត​ នៅ​ក្នុង​បន្ទប់ទឹក​ផ្ទះ​របស់​ខ្លួន ។

លោក​វរសេនីយ៍ត្រី ព្រហ្ម ថេ​ង ប្រធាន​មន្ទី​យុត្តិធម៌ នៃ​ទីបញ្ជាការ​កងរាជអាវុធហត្ថ​ខេត្ត បាន​ប្រាប់​ឲ្យ​ដឹង​ថា ជនសង្ស័យ​ឈ្មោះ កង គុន ភេទ​ប្រុស អាយុ​៥០​ឆ្នាំ រស់នៅ​ភូមិ​សំរោង ឃុំ​គោក​រមៀត ស្រុក​ថ្មពួក ត្រូវ​បាន​ឃាត់ខ្លួន​បន្ទាប់​ពី​ ទទួល​បាន​ពាក្យបណ្ដឹង​ពី​ស្ត្រី​ឈ្មោះ ស្រី ចិន អាយុ​២៦​ឆ្នាំ ដោយ​ចោទប្រកាន់​ថា បាន​ប្រទូស្ត​កេរ្តិ៍​ក្មួយ​ស្រី​របស់​គាត់​២​នាក់ ។

ស្ត្រី​ឈ្មោះ ស្រី ចិន ដែល​ជា​ម្តាយមីង​ក្មេង​ស្រី​ រង​គ្រោះ​ទាំង​២​នាក់​ បាន​ឲ្យ​ដឹង​ថា កាលពី​វេលា​ម៉ោង​ ៥​ល្ងាច ថ្ងៃ​ទី​៣ ខែតុលា ឆ្នាំ​២០១៦ ខណៈ​ក្មួយ​ស្រី​គាត់​២​នាក់​បងប្អូន​បង្កើត ម្នាក់​អាយុ​៦​ឆ្នាំ ម្នាក់​អាយុ​៧​ឆ្នាំ ទៅ​មើល​ទូរទស្សន៍​នៅផ្ទះ​ជន​ស្ស័​យ​ដែល​មាន​របង​ជាប់​គ្នា ឆ្លៀតពេល​ដែល​ប្រពន្ធ​កូន​មិន​នៅផ្ទះ បាន​លួងលោម​ក្មួយ​ស្រី​គាត់​ម្តងម្នាក់​ចូល​ក្នុង​បន្ទប់ទឹក​ ដោយ​ប្រាប់​ថាឲ្យ​ហូប​នំ ។

ពេល​ដែល​ចូល​ទៅ​ស្រាប់តែ​ ចាប់​សម្រាត​សំពត់ និង​យកដៃ​លូក​លេង​ប្រដាប់​ភេទ​ក្មេង​ស្រី​រង​គ្រោះ ព្រមទាំង​យកដៃ​ក្មេង​ស្រី​ ទៅ​បបោសអង្អែល​ប្រដាប់​ភេទ​ខ្លួនឯង មិនតែប៉ុណ្ណោះ​ថែម​ទាំង​ យក​ប្រដាប់​ភេទ​ទៅ​ញល់​ប្រដាប់​ភេទ​ ក្មេង​ស្រី​រង​គ្រោះ​រហូត​ចេញ​ទឹកកាម​ទៀត​ផង ។

ម្តាយមីង​រូប​នោះ​បន្ត​ថា ក្រោយ​ពេល​ជនសង្ស័យ​ ធ្វើ​សកម្មភាព​លើ​ក្មួយ​ស្រី​គាត់​ទាំង​២​នាក់​បងប្អូន​ហើយ ក្មួយ​ស្រី​គាត់​ទាំង​២​នាក់​ បាន​យក​រឿង​នេះ​ទៅ​ប្រាប់​យាយ​របស់​ខ្លួន ពេល​នោះ​ជនសង្ស័យ​ដឹង​ ក៏​បាន​លួ​ន​ទួ​រ​សុំ​ទោស ពេល​នោះ​នាង​មក​ទាន់ ស្រាប់តែ​ជនសង្ស័យ​គេចខ្លួន​ចូល​ផ្ទះ​បាត់ ។ បន្ទាប់​មក​ពេល​នា ង​ជា​ម្តាយមីង​បានដឹង​រឿង​ក៏​ទៅ​ប្តឹង​កម្លាំង​កងរាជអាវុធហត្ថ​ ស្រុក​ថ្មពួក​រហូត​ឈាន​ ទៅ​ឃាត់ខ្លួន​ជនសង្ស័យ​បាន​នៅ​ថ្ងៃ​ទី​៦ ខែតុលា ឆ្នាំ​២០១៦ នៅផ្ទះ​ជនសង្ស័យ​តែ​ម្តង ។

លោក​វរសេនីយ៍ត្រី ព្រហ្ម ថេ​ង បាន​ឲ្យ​ដឹង​ថា នៅ​ចំពោះ​មុខ​សមត្ថកិច្ច​ជនសង្ស័យ​បាន​សារភាព​ថា ពិតជា​បាន​ប្រព្រឹត្ត​លើ​ ក្មេង​ស្រី​រង​គ្រោះ​មែន ប៉ុន្តែ​បាន​ត្រឹម​លូកលាន់​ប្រដាប់​ភេទ​ក្មេង​ស្រី​ ជា​បង​ម្នាក់​ប៉ុណ្ណោះ ។

លោក​វរសេនីយ៍ត្រី ព្រហ្ម ថេ​ង បញ្ជាក់​ថា តែ​តាម​បណ្ដឹង​ម្តាយមីង​ ក្មេង​ស្រី​រង​គ្រោះ និង​ចម្លើយ​របស់​ក្មេង​ស្រី​ទាំង​ ២​នាក់​បងប្អូន​បង្កើត​ថា ជនសង្ស័យ​បាន​ប្រព្រឹត្ត​លើ​នាង​ទាំង​២​នាក់​ក្នុង​បន្ទប់ទឹក រួច​ហើយ​បាន​គំរាម​មិន​ឲ្យ​ ប្រាប់​អ្នក​ណា​ទៀត​ផង ៕ 

ប្រភព ៖

កំណត់ហេតុខ្មែរឡូត៖

គួររំលឹកព័ត៌មានចាស់ដែរថា ដោយឡែកករណីមួយវិញទៀត ។ មន្ត្រី​តុលាការ​ ថ្លែង​ថា​ លោក​ សេង​ រិទ្ធី​ ព្រះ​រាជ​អាជ្ញា​រង​អម​សាលា​ដំបូង​ខេត្ត​កណ្ដាល​ នៅ​ព្រឹក​ថ្ងៃ​ទី​៧​ ខែ​តុលា​ ម្សិលមិញនេះ​ កំពុង​សាកសួរ​ជនសង្ស័យ​ម្នាក់​ករណី​រំលោភ​សេពសន្ថវៈ​ក្មេង​ស្រី​អាយុ​១០ឆ្នាំ​ជា​ច្រើន​លើក​ ហើយ​ធ្លាប់​ប៉ុនប៉ង​រំលោភ​នារី​អាយុ​១៩ឆ្នាំ​ម្នាក់​ទៀត​តែ​មិន​បាន​សម្រេច​ ។

នគរបាល​ការិយាល័យ​ប្រឆាំង ​ការ​ជួញដូរ​មនុស្ស​និង​ការពារ​អនីតិជន​ខេត្ត​កណ្ដាល​ ថ្លែង​ថា​ ជនសង្ស័យ​រូប​នេះ​ធ្លាប់​ជាប់​ពន្ធនាគារ​ ២0ឆ្នាំ​ ពី​បទ​រំលោភ​សេពសន្ថវៈ​រួច​សម្លាប់​ជនរងគ្រោះ​ ។

នគរបាល​ បន្ត​ថា​ ជនសង្ស័យ​ឈ្មោះ​ នាង​ ប៊ុន​ធឿន​ អាយុ​៥៧ឆ្នាំ​ ត្រូវ​បាន​សមត្ថកិច្ច​ឃាត់ខ្លួន​កាលពី​រសៀល​ថ្ងៃ​ទី​ ៤​ ខែ​តុលា​ ឆ្នាំ​២០១៦​ តាមដីកាបញ្ជាឲ្យចូលខ្លួនលេខ០២៤ ចុះថ្ងៃទី០៣ ខែតុលា ឆ្នាំ២០១៦ របស់លោក លឹម សុគន្ថា ព្រះរាជអាជ្ញាអមសាលាដំបូងខេត្តកណ្តាល ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ព្រៃផ្សៃ​ណាស់ ! ហៅ​២​នាក់​បងប្អូន​បង្កើត​ចូល​​បន្ទប់ទឹក​ម្តងម្នាក់

ព្រៃផ្សៃ​ណាស់ ! ហៅ​២​នាក់​បងប្អូន​បង្កើត​ចូល​​បន្ទប់ទឹក​ម្តងម្នាក់