ស្មានថា​ទៅ​ដេក​ផ្ទះ​ម្តាយ ២​ថ្ងៃក្រោយ​ឃើញ​នៅ​ក្នុង​ពាងទឹក

ខេត្តពោធិ៍សាត់ ៖ បុរស​ម្នាក់​បាត់​បាត់​ពី​ផ្ទះ​២​ថ្ងៃ ខណៈ​ជីដូន​ទៅ​ដងទឹក​ពាង​ខាងលិច​ផ្ទះ ស្រាប់តែ​ប្រទះ​ឃើញ​សាកសព​នៅ​ក្នុង​ពាង​បង្ក​ឲ្យ​មានការ​ភ្ញាក់ផ្អើល​កាលពី​វេលា​ម៉ោង​២​រសៀល ថ្ងៃ​ទី​៨ ខែតុលា ឆ្នាំ​២០១៦ នៅ​ភូមិ​ស្ទឹង​កំបុត ឃុំ​ត្រពាំង​ជង ស្រុក​បាកាន ខេត្តពោធិ៍សាត់ ។

លោក​វរសេនីយ៍ទោ នាង វុ​ធ អធិការ​នគរបាល​ស្រុក​បាកាន បាន​ឲ្យ​ដឹង​ថា ជន​រង​គ្រោះ​ឈ្មោះ ជិន សុ​ភ័​ក្រ ភេទ​ប្រុស អាយុ​២៣​ឆ្នាំ មាន​ម្ដាយ​ឈ្មោះ ហែម មុំ អាយុ​៤៥​ឆ្នាំ ជា​ស្ត្រី​ម៉េ​ម៉ា​យ មានកូន​ប្រុស​៣​នាក់ ហើយ​ជន​រង​គ្រោះជា​កូនច្បង ។ សព្វថ្ងៃ​ជន​រង​គ្រោះ​រស់នៅ​ជាមួយ​ជីដូន​ចាស់ជរា​តែ​២​នាក់​នៅ​ភូមិ​ឃុំ​កើតហេតុ​ខាងលើ ។

លោក​វរសេនីយ៍ទោ នាង វុ​ធ បន្ត​ថា ជន​រង​គ្រោះ​តែងតែ​ដើរ​លេង​ជាមួយ​មិត្តភក្តិ​ផឹកស៊ី​រហូត​យប់​ទើប​ចូល​ផ្ទះ ជួនកាល​មិន​មក​ដេក​ផ្ទះ​ជាមួយ​ជីដូន​ទេ ទៅ​ដេក​ផ្ទះ​ជាមួយ​ម្ដាយ និង​បងប្អូន​ទៅ​វិញ ។ ជាក់ស្ដែង​កាលពី​ថ្ងៃ​ទី​៧ ខែតុលា ឆ្នាំ​២០១៦ ជន​រង​គ្រោះ​ដើរ​បាត់​ពេញ​មួយ​ថ្ងៃ​មិនដឹង​ទៅ​ណា​ទេ ហើយ​យប់​ឡើង​ក៏​មិនឃើញ​ចូល​ផ្ទះ​ជីដូន​ដែរ ។ ដោយ​នឹក​ស្មានថា ជន​រង​គ្រោះ​ទៅ​ដេក​ផ្ទះ​ម្ដាយ​របស់​គេ ជីដូន​ក៏​មិន​ដើរ​រក​ដែរ​ព្រោះ​វា​ជា​ទម្លាប់​ទៅ​ហើយ ។

លោក​អធិការ​បន្ត​ទៀត​ថា ស្រាប់តែ​វេលា​កើត​ហ​តុ​ខាង​ខណៈ​ជីដូន​ទៅ​ដងទឹក​ពាង​ខាងលិច​ផ្ទះ ស្រាប់តែ​ប្រទះ​ឃើញ​សាកសព​នៅ​ក្នុង​ពាង ប៉ុន្តែ​មិនដឹង​ថា​ជា​នរណា​ទេ ក៏​ទៅ​ប្រាប់​អ្នកស្រុក​អ្នក​ភូមិ និង​សមត្ថកិច្ច​ឲ្យ​មក​មើល ។ លុះ​ពេល​ស្រង់​ចេញ​មក​ទើប​ដឹង​ថា​ជា​ជន​រង​គ្រោះ​ឈ្មោះ ជិន សុ​ភ័​ក្រ ជា​ចៅ​របស់​ជីដូន​ដែល​ជា​ម្ចាស់ផ្ទះ ។

សមត្ថកិច្ច​ចម្រុះ​មាន​នគរបាល​ព្រហ្មទណ្ឌ នគរបាល​បច្ចេកទេស​វិទ្យាសាស្ត្រ និង​គ្រូពេទ្យ បាន​ពិនិត្យ​សាកសព​ឃើញ​ថា នៅ​លើ​ដងខ្លួន​ជន​រង​គ្រោះ​មិន​មាន​ស្លាកស្នាម​អ្វី​ទេ ប៉ុន្តែ​មុខ និង​ត្របកភ្នែក​មាន​ស្នាម​របក​រលាត់​ដែល​អាច​សន្និដ្ឋាន​បាន​ថា បុក​នឹង​ពាងទឹក ។ ក្នុង​ពាង​មានទឹក​កន្លះ​ពាង ហើយ​ថ្ងៃ​នោះ​ជន​រង​គ្រោះ​អាច​ស្រវឹងស្រា​ខ្លាំង នៅ​ពេល​ឱន​ដងទឹក​ទប់ខ្លួន​មិន​ជាប់​អាច​ជ្រមុជ​ក្បាល​ចូល​ក្នុង​ពាង​ងើប​មិន​រួច​បណ្ដាល​ឲ្យ​ឈ្លក់ទឹក​ស្លាប់​តែ​ម្ដង ។ ម្យ៉ាងវិញទៀត​ស្រវឹងស្រា​អាច​ទៅ​ជា​ខ្យល់គ​ផង​ដែរ ៕

ប្រភព ៖

កំណត់ហេតុខ្មែរឡូត៖

 គួររំលឹកផងដែរថា រយៈពេល៣ថ្ងៃ ២យប់​ សាកសពបុរសមានមុខរបរជាកម្មករថ្មកែវ ដែលលង់ទឹកស្លាប់ ដោយសារផឹកស្រាស្រវឹង ពេលចុះហែលទឹកនៅចំណុចរមណីយដ្ឋានឈើតោក កាលពីរសៀល ថ្ងៃទី០១ ខែតុលា ឆ្នាំ២០១៦កន្លងទៅ ត្រូវបានប្រជាពលរដ្ឋប្រទះឃើញហើយ នៅព្រឹកថ្ងៃទី០៣ ខែតុលា ឆ្នាំ២០១៦ នៅចំណុចមាត់ស្ទឹង ស្ថិតក្នុងភូមិព្រៃខ្លុង ឃុំរកាត ស្រុកភ្នំក្រវាញ ខេត្តពោធិ៍សាត់។

លោក វង សាវ៉េត អធិការនគរបាលស្រុកភ្នំក្រវាញ បានប្រាប់ភ្នាក់ងារ Fresh News ឲ្យដឹងមុននេះថា បុរសដែលលង់ទឹក រមណីយដ្ឋានឈើតោកស្លាប់ ហើយទើបតែប្រទះឃើញសពអណ្តែតហើមស្អុយរលួយនាព្រឹកនេះ មានឈ្មោះ សេង ស៊ុន អាយុ៣២ឆ្នាំ មានមុខរបរជាកម្មករថ្មកែវ រស់នៅឃុំកំពង់ស្នោរ ស្រុកជីក្រែង ខេត្តសៀមរាប។

លោកអធិការបន្តថា មុនពេលកើតហេតុ ជនរងគ្រោះបានផឹកស្រាស្រវឹងជាមួយគ្នីគ្នាអស់ប្រហែលជា ២កេស រួចចុះទៅងូតទឹក ដោយហែលទៅលេងនៅចំណុចល្បាក់ខាងលើ ទឹកហូរគួច នៅរមណីយដ្ឋានឈើតោក ដោយស្ថិតក្នុងស្ថានភាពស្រវឹង ហើយក្នុងទីតាំងគ្រោះថ្នាក់ផងនោះ ជនរងគ្រោះប្រហែលងើបមិនរួច ក៏ឈ្លក់ទឹកស្លាប់រកសាកសពមិនឃើញ ទើបតែព្រឹក ថ្ងៃទី០៣ ខែតុលា ឆ្នាំ២០១៦នេះ ប្រជាពលរដ្ឋបានប្រទះឃើញសពអណ្តែតហើមស្អុយរលួយ នៅចំណុចមាត់ស្ទឹង ស្ថិតក្នុងភូមិព្រៃខ្លុង ឃុំរកាត ស្រុកភ្នំក្រវាញ ហើយបានរាយការណ៍មកសមត្ថកិច្ចតែម្តង។

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ស្មានថា​ទៅ​ដេក​ផ្ទះ​ម្តាយ ២​ថ្ងៃក្រោយ​ឃើញ​នៅ​ក្នុង​ពាងទឹក

ស្មានថា​ទៅ​ដេក​ផ្ទះ​ម្តាយ ២​ថ្ងៃក្រោយ​ឃើញ​នៅ​ក្នុង​ពាងទឹក

ស្មានថា​ទៅ​ដេក​ផ្ទះ​ម្តាយ ២​ថ្ងៃក្រោយ​ឃើញ​នៅ​ក្នុង​ពាងទឹក

ស្មានថា​ទៅ​ដេក​ផ្ទះ​ម្តាយ ២​ថ្ងៃក្រោយ​ឃើញ​នៅ​ក្នុង​ពាងទឹក