ងាយៗ! រូបមន្តជួយធ្វើឱ្យស្បែកស្រស់ស្អាត មានពណ៌ផ្កាឈូក ដោយប្រើផ្លែប៉េងប៉ោះ ផ្សំជាមួយទឹកឃ្មុំ!

ផ្លែប៉េងប៉ោះជាអាហារធម្មជាតិដ៏ល្អម្យ៉ាង ដែលត្រូវបានគេចាត់ចូលទៅក្នុងក្រុមបន្លែ និងផ្លែឈើផង។ វាមានអត្ថប្រយោជន៍ជាច្រើនខ្លាំងណាស់ សម្រាប់សុខភាព មនុស្សទូទៅ ជាពិសេសគឺវាបានផ្តល់អត្ថប្រយោជន៍ល្អៗជាច្រើនទៀត ទាក់ទងទៅនឹងសុខភាពស្បែក និងសម្រស់នេះតែម្តង។

ដោយសារតែវាជារុក្ខជាតិធម្មជាតិ ដែលមានផ្ទុកសារធាតុប្រឆាំងអុកស៊ីតកម្មបាន ប្រសើរ ហេតុដូចនេះហើយ ទើបវាបានជួយឱ្យស្បែកមើលទៅមានសុខភាពល្អ ហើយវីតាមីនC អាចជួយលុបបំបាត់ស្នាមជាំ អុចខ្មៅ ឬស្នាមជ្រីវជ្រួញនៅលើផ្ទៃមុខ ឬដងខ្លួនចេញបានយ៉ាងមានប្រសិទ្ធភាព ថែមទាំងធ្វើឱ្យស្បែកឡើងពណ៌ផ្កាឈូក សភ្លឺថ្លាគួរឱ្យចង់ស្ទាបអង្អែលផងដែរ នៅពេលបានផ្សំលាយគ្នាជាមួយទឹកឃ្មុំ ហើយយកមកលាបនៅលើស្បែក។

វិធីសាស្រ្តងាយៗ ជួយធ្វើឱ្យស្បែកស្រស់ស្អាតមានពណ៌ផ្កាឈូក ដោយប្រើផ្លែប៉េងប៉ោះ ផ្សំជាមួយនឹងទឹកឃ្មុំនេះ អ្នកអាចអនុវត្តទាំងអស់គ្នាបាន ដោយគ្រាន់តែប្រើរូបមន្តដូចខាងក្រោមនេះ៖

#គ្រឿងផ្សំ៖

១. ផ្លែប៉េងប៉ោះហាន់ជាចំណិតតូចៗ ១កូនចានតូច

២. ទឹកឃ្មុំ២ស្លាបព្រាបាយ។

#ដើម្បីស្បែកស្រស់ស្អាតត្រូវអនុវត្តតាមជំហានទាំងនេះ៖

-លាងសម្អាតប៉េងប៉ោះយ៉ាងហ្មត់ចត់ រួចយកវាទៅកាត់ជាបំណែកតូចៗ ដាក់ចូលទៅ ក្នុងម៉ាស៊ីនក្រឡុកវាឱ្យល្អិត បន្ទាប់មកចាក់ផ្ទេរមកដាក់នៅក្នុងចានស្អាតទុកមួយអន្លើ។

-បន្ទាប់មកទៀតចាក់ទឹកឃ្មុំចូល ហើយកូរលាយវាបញ្ចូលគ្នាឱ្យសព្វ រហូតដល់ក្លាយជាសាច់តែមួយ។

-នាំយកវាមកបិទនៅលើផ្ទៃមុខ និងក ឬស្បែកដងខ្លួនក៏បានដែរ ហើយទុកចោលឱ្យនៅលើនោះ រយៈពេលប្រមាណជា១០-១៥ នាទី

- ចុងក្រោយលាងជម្រះជាមួយទឹកស្អាតធម្មតាចេញជាការស្រេច។

ធ្វើដូចនេះអាចជួយរក្សាឱ្យសាច់ផ្ទៃមុខរបស់អ្នកមានសភាពសភ្លឺរលោង ចែងចាំង និងមានសុខភាពល្អ។ ចំណែកឯស្បែក ក. ឬស្បែកដងខ្លួនត្រង់បរិវេណដែលបាន​លាបប៉េងប៉ោះទឹកឃ្មុំរួចមានសម្បុរឡើងពណ៌ផ្កាឈូក ដូចជាស្បែករបស់ទារក​យ៉ាងដូច្នោះដែរ។

កុំភ្លេចសាកល្បងធ្វើវាទាំងអស់គ្នាណា៎! ជាពិសេសនារីដែលចង់បានស្បែកស្អាត និង មិនប៉ះពាល់ទៅដល់សុខភាព៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

ងាយៗ! រូបមន្តជួយធ្វើឱ្យស្បែកស្រស់ស្អាត មានពណ៌ផ្កាឈូក ដោយប្រើផ្លែប៉េងប៉ោះ ផ្សំជាមួយទឹកឃ្មុំ!

ងាយៗ! រូបមន្តជួយធ្វើឱ្យស្បែកស្រស់ស្អាត មានពណ៌ផ្កាឈូក ដោយប្រើផ្លែប៉េងប៉ោះ ផ្សំជាមួយទឹកឃ្មុំ!