សូមប្រយ័ត្ន! យុវតីម្នាក់ជិះម៉ូតូដល់កន្លែងស្ងាត់ ត្រូវចោរប្លន់វាយយកម៉ូតូ ជិះរត់បាត់ស្រមោលឈឹង

(ក្រចេះ)៖ ករណីចោរប្លន់ម៉ូតូមួយ កើតឡើងនៅព្រឹកថ្ងៃទី១២ ខែតុលា ឆ្នាំ២០១៦នេះ ដោយជនមិនស្គាល់មុខម្នាក់ បានវាយដណ្ដើមម៉ូតូ ពីនារីរងគ្រោះ ជិះរត់ទៅដោយសុវត្ថិភាព និងទម្លាក់ម៉ូតូកញ្ចាស់១គ្រឿង ទុកចោលត្រង់កន្លែងកើតហេតុ ស្ថិតក្នុងសង្កាត់អូរឬស្សី ក្រុងក្រចេះ ខេត្តក្រចេះ។

សមត្ថកិច្ចបានឱ្យដឹងថា នារីរងគ្រោះមានឈ្មោះ ហ៊ួ ចន្រ្ទា អាយុ១៩ឆ្នាំ មុខរបរជាអ្នកលក់សាំង នៅផ្លូវបំបែកខ្លាស្ទុះ។ មុនពេលកើតហេតុ នារីរងគ្រោះបានជិះម៉ូតូម៉ាក់ Hongda dream ពណ៌ខ្មៅ សេរីឆ្នាំ២០១០ ពាក់ផ្លាក់លេខ ក្រចេះ 1A-9295 ជិះទៅធ្វើការដូចសព្វដងលុះដល់ ចំណុចកើតហេតុខាងលើ ស្រាប់តែមានជនសង្ស័យម្នាក់បានជិះម៉ូតម៉ាក សង់កូរ៉េ ដេញតាមពីក្រោយដៃកាន់ដំបងឫស្សី ហើយវាយក្បាល នាងមួយដំបង ធ្វើឲ្យបែកមួកសុវតិ្ថភាពដួលទៅលើផ្លូវ។

ជនរងគ្រោះបានបន្តថា ក្រោយពីនាងបានដួលខ្ទាតចេញម៉ូតូហើយ ជនសង្ស័យក៏ទម្លាក់ម៉ូតូកញ្ចាស់របស់ខ្លួនចោល ហើយស្ទុះទៅលើក យកម៉ូតូរបស់នាង ជិះរត់ទៅបាត់ស្រមោលឈឹង។ ក្រោយពីកើតហេតុ នាងនិងក្រុមគ្រួសារ បានទៅដាក់ពាក្យបណ្ដឹង នៅសាលាសង្កាត់ អូរឫស្សី ដើម្បីឱ្យសមត្ថកិច្ចកំណត់មុខសញ្ញាតាមចាប់ខ្លួនជនសង្ស័យ យកម៉ូតូមកវិញ។ បច្ចុប្បន្នកម្លាំងសមត្ថកិច្ចបាននិងកំពុងតាម ស្វែងរកជនបង្ក ដើម្បីយកមកផ្ដន្ទាទោសតាមច្បាប់៕

ប្រភព ៖

កំណត់ហេតុខ្មែរឡូត៖

ដោយឡែក ករណីមួយផ្សេងទៀត កាលពីលើកមុន  កាលពី​វេលា​ម៉ោង​០៣​​ទៀប​ភ្លឺ​ឈាន​ចូល​ថ្ងៃ​ទី​២៦ ​កញ្ញា កន្លងទៅ ស្ថិតត្រង់​ចំណុច​ផ្លូវលំ ក្នុងភូមិ​អូរ​បែក​ក្អម សង្កាត់​ទឹកថ្លា ខណ្ឌ​សែន​សុខ ។

ជន​រង​គ្រោះ​​ជាម្ចាស់ម៉ូតូ​ឈ្មោះឡាន់ រ៉ា​ឆាន់ ​អាយុ​១៩​ឆ្នាំ ជា​​សិស្ស​ថ្នាក់​ទី​១១ មាន​ស្រុក​កំណើតនៅ​ភូមិ​ទួល​ក្រសាំង ឃុំ​ព្រៃ​ទន្លេ ស្រុក​បន្ទាយមាស ខេត្តកំពត ​រីឯ​ម៉ូតូ​ដែលត្រូវចោរ​ប្លន់បាត់​ម៉ា​កនិច ព​ណ៌.ស​​លាយ​ក្រហម គ្មាន​ស្លាក​លេខ ​។​ ចំណែកអ្នក​ជិះ​ពី​ក្រោយ​ជា​​មិត្តភក្ដិ​ជន​រង​គ្រោះ​​ឈ្មោះស្មាច់ រ៉ា​ន់ អាយុ​១៨​ឆ្នាំ ជា​សិស្ស និងមានស្រុក​កំណើត​ជាមួយ​គ្នា ។

តាម​ប្រភព​​ឱ្យ​ដឹង​ថា មុន​ពេល​កើតហេតុ ​រូបគេ​ទើបតែ​ឡើង​មក​ពី​ស្រុក​ ទើបតែ​បាន​បី​ថ្ងៃ​តែ​ប៉ុណ្ណោះ​ ​មក​ទិញ​ម៉ូតូ​យក​ទៅ​ជិះ​ទៅ​សាលារៀន​នៅ​ឯ​ស្រុក​កំណើត ហើយ​រាល់ថ្ងៃ​រូប​គាត់​ស្នាក់​នៅ​បណ្ដោះអាសន្ន​ជាមួយ​បង​នៅ​ម្ដុំ​បឹង​សាឡា​ង ខណ្ឌទួលគោក ។

មុន​ពេល​កើតហេតុ​ រូប​គេទើបតែ​ជូន​មិត្តភក្ដិ​ទៅ​ផ្ទះ​ម្ដុំ​ផ្លូវ​២០០៤ ហើយ​បំណង​ជិះ​ត្រលប់​មក​ផ្ទះ​បង​នៅ​ម្ដុំ​បឹង​សាឡា​ង​វិញ ខណ:​ជិះ​ មកដល់​ចំណុច​ស្តុ​បណតប្រ៊ី​ត ​ស្រាប់តែ​មាន​ម៉ូតូ​២គ្រឿង​ម៉ាក FTR ព​ណ៌.ស ​និង​មួយ​គ្រឿង​ទៀត ​ម៉ាក​លែ​ត​ព​ណ៌​ខ្មៅ ជិះ​គ្នា​បួន​នាក់​ បាន​ដេញ​តាម​មក​ពីក្រោយ​ ធ្វើ​ឱ្យ​​​ភ័យ​ជិះ​ម៉ូតូ​​រហូត​ដល់​ចំណុចកើតហេតុ​ ជន​រង​គ្រោះ​​​ផ្ដួល​ម៉ូតូ​​រត់គេច​ខ្លួន​ ។ ​​ពេល​នោះ​ហើយ ដែល​​​ចោរ​បាន​ដក​ដាវ​សាម៉ូ​រៃ​កាប់​ពីក្រោយ​ បណ្ដាលឱ្យ​រង​របួសស្រាល​​ (​ជាំ​ខ្នង​) ។

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

សូមប្រយ័ត្ន! យុវតីម្នាក់ជិះម៉ូតូដល់កន្លែងស្ងាត់ ត្រូវចោរប្លន់វាយយកម៉ូតូ ជិះរត់បាត់ស្រមោលឈឹង

សូមប្រយ័ត្ន! យុវតីម្នាក់ជិះម៉ូតូដល់កន្លែងស្ងាត់ ត្រូវចោរប្លន់វាយយកម៉ូតូ ជិះរត់បាត់ស្រមោលឈឹង

សូមប្រយ័ត្ន! យុវតីម្នាក់ជិះម៉ូតូដល់កន្លែងស្ងាត់ ត្រូវចោរប្លន់វាយយកម៉ូតូ ជិះរត់បាត់ស្រមោលឈឹង

សូមប្រយ័ត្ន! យុវតីម្នាក់ជិះម៉ូតូដល់កន្លែងស្ងាត់ ត្រូវចោរប្លន់វាយយកម៉ូតូ ជិះរត់បាត់ស្រមោលឈឹង