កាំភ្លើងក្នុងសតវត្សរ៍ទី១៨ របស់ព្រះចៅអធិរាជចិន Qianlong នឹងត្រូវដាក់លក់ដេញថ្លៃ នៅទីក្រុងឡុងដ៏

ចិន៖ កាំភ្លើងរបស់ព្រះចៅអធិរាជនៃប្រទេសចិន ដែលមានអាយុកាលរាប់រយឆ្នាំ ពោលគឺតាំងពីសតវត្សរ៍ទី១៨មកម្ល៉េះ ដែលមានតម្លៃជាង ១,២លានដុល្លារ នឹងត្រូវដាក់លក់ដេញថ្លៃនៅវិទ្យាស្ថានសិល្បៈ Sotheby’s ក្នុងទីក្រុងឡុងដ៏ នៃចក្រភពអង់គ្លេស នាថ្ងៃទី៩ វិច្ឆិកា ឆ្នាំ២០១៦ ខាងមុខនេះ ដែលគេរំពឹងទុកថា វត្ថុបុរាណនេះនឹងអាចលក់បានតម្លៃជាង ១,៥លានផោន (ប្រហែលជា ១,៨៣លានដុល្លារអាមរិក) ផងដែរ។

កាំភ្លើងនេះមានឆ្លាក់នូវអក្សរចិនចំនួន៤តួ “特等第一" (tè děng dì yī) មានន័យថា «ខ្ពង់ខ្ពស់ឧត្តុងឧត្តម ឬល្អលេខ១» ដែលជាតំណាងរជ្ជកាល និងគ្រប់គ្រងដោយព្រះចៅអធិរាជ Qianlong (គៀនឡុង) នៃរាជវង្ស Qing (Qing Dynasty នាអំឡុងឆ្នាំ ១៦៤៤ ដល់ឆ្នាំ ១៩១២)។

ប្រភពបានឲ្យដឹងដែរថា នារជ្ជកាលនោះ ព្រះអង្គគឺជាអធិរាជមួយអង្គ ដែលចូលចិត្តប្រមូលនូវ វត្ថុសិល្បៈរួមមានផ្ទាំងគំនូរ ដែលសុទ្ធសឹងតែមានតម្លៃ ជាដើម។ លើសពីនេះទ្រង់ក៏មានចំណង់ចំណូលចិត្ត ក្នុងការបរបាញ់សត្វផងដែរ។ ក្នុងនោះមានរូបភាពផ្ទាំងគំនូរចាស់ៗ ជាច្រើនសន្លឹកផងដែរ ដែលបង្ហាញពីរូបភាពរបស់ព្រះចៅអធិរាជ Qianlong កាន់នូវកាំភ្លើងស្រដៀង ទៅនឹងកាំភ្លើងខាងលើនេះ ដែលទ្រង់ប្រើសម្រាប់បាញ់សត្វក្តាន់ ឬរមាំងផងដែរ។

ជាមួយគ្នានេះដែរ បើតាមការឲ្យដឹងពីសំណាក់លោក Robert Bradlow នាយកជាន់ខ្ពស់នៃវិទ្យាស្ថានសិល្បៈ Sotheby’s មានប្រសាសន៍ឲ្យដឹងថា «វត្ថុបុរាណនេះ (កាំភ្លើង) គឺបង្កប់ទៅដោយសិល្បៈហត្ថកម្ម ក្នុងអំឡុងរាជវង្ស Qing»

លោកបន្តថា «...ហើយសម្រាប់ សាវតារប្រវត្តិសាស្រ្ត នៃកាំភ្លើងដ៏មានអំណាចអានុភាពនេះ មិនអាចចេះតែធ្វើការបំផ្លើសបានឡើយ។ វាគឺពិតជារតនសម្បត្តិ ដ៏អស្ចារ្យបំផុតរបស់ចិន ដែលមិនធ្លាប់យកមកដាក់ដេញថ្លៃ ពីមុនមកឡើយ» ៕ 

ប្រភព ៖

កំណត់ហេតុខ្មែរឡូត៖

គួររំលឹកព័ត៌មានចាស់ដែរថា 

បើតាមប្រភពសារព័ត៌មាន បានឲ្យដឹងថា ព្រះចៅ Tutankhamun ដែលគេស្គាល់ថា ជាបរមនាមនៃក្សត្រអេហ្ស៊ីបបុរាណ ឬប្រជានុរាស្រ្តតែងស្គាល់ និងហៅព្រះនាមទ្រង់ថា Tut គឺជាក្សត្រវ័យក្មេង និងល្អអស្ចារ្យបំផុត ក្នុងយុគសម័យកាលនោះ។ តាមរយៈព្រះជីវប្រវត្តិខ្លះៗទាក់ទងទៅនឹងទ្រង់ គេអាចដឹងថា ចាប់តាំងពីទ្រង់មានព្រះជន្ម ៩ព្រះវស្សាមក ទ្រង់មានការសង្វាតខិតខំបំពេញកិច្ចព្រះរាជសិក្សាខ្លាំងណាស់ និងថែមទាំងជាអ្នកចាប់ផ្តើម ចេញច្បាប់គ្រប់គ្រងអេហ្ស៊ីបុរាណផងដែរ។ ក្នុងព្រះជន្មាយុ ១០ព្រះវស្សា ទ្រង់បានឡើងសោយរាជ្យពេញទី គ្រប់គ្រងអេហ្ស៊ីបទាំងមូល រហូតដល់ទ្រង់យាងចូលព្រះទីវង្គត់ ក្នុងព្រះជន្មាយុ ១៩ព្រះវស្សា ទាំងវ័យក្មេងបំផុត។

បច្ចុប្បន្នប្រភពមួយចំនួនបានធ្វើការចេញផ្សាយថា ផ្អែកតាមការសិក្សាថ្មីដោយអ្នកជំនាញផ្នែកទស្សាវដ្តវិទ្យាសាស្រ្តទាក់ទងភពផែនដី និងអាចម៍ផ្កាយ បានបង្ហាញឲ្យឃើញថា ស្តេចវ័យក្មេង Tut ទំនងជាប្រើប្រាស់កូនកាំបិតស្នៀតធ្វើអំពីអាចម៍ផ្កាយ ក្នុងអំឡុងសម័យដែលទ្រង់ឡើងសោយរាជ្យ។

កូនកាំបិតស្នៀតនោះ ត្រូវបានអ្នកវិទ្យាសាស្រ្តជាច្រើនជឿជាក់ថា ជាកាំបិតស្នៀតដែលទ្រង់ប្រើប្រាស់ ធ្វើឡើងពីសារធាតុដែកនៃអាចម៍ផ្កាយ ដែលត្រូវបានបញ្ចុះជាមួយព្រះកាយរបស់ទ្រង់ក្នុងផ្នូរបុរាណនៅពេលសោយទីវង្គត។

គួររំលឹកថា កាលពីមុន តាមរយៈសាកលវិទ្យាល័យ Pisa ក៏ធ្លាប់បានធ្វើការពិភាក្សាដែរ ពីសំណាក់អ្នកប្រាជ្ញល្បីៗជាច្រើន ដើម្បីចង់ដឹងពីប្រភពដើមនៃកូនកាំបិតស្នៀតនោះ។ ប៉ុន្តែជាលទ្ធផល នៅតែមិនអាចទទួលយកជាការបាន។ ទើបតែពេលថ្មីៗនេះ អ្នកស្រាជ្រាវបានប្រើប្រាស់កាំរស្មីអិុច (X) ដើម្បីធ្វើការវិភាគចង់ដឹងពីការពិត នៃកាំបិតស្នៀតមួយនេះ ហើយជាលទ្ធផលបង្ហាញថា មានភាគរយខ្ពស់ ដែលកាំបិតនេះផលិតឡើងពីអាចម៍ផ្កាយ ដោយក្នុងនោះមានលោហៈធាតុគីមីម្យ៉ាង ដែលហៅថានីកែល រួមជាមួយនឹងលោហធាតុម្យ៉ាងទៀតហៅថា កូប័ល និងផូស្វ័រ និងមានលាយបញ្ចូលជាមួយវត្ថុធាតុដើមជាច្រើនប្រភេទទៀត។ កាំបិតនេះ មានអាយុកាលចន្លោះពី ៤,០០០ ទៅ ៣,០០០ ឆ្នាំ​មុនគ្រឹស្ករាជ។

យ៉ាងណាមិញ បើយោងតាមការសិក្សាស្រាវជ្រាវនេះ មិនមែនទើបតែជាករណីមួយ ក្នុងចំណោមវត្ថុបុរាណ របស់អេហ្ស៊ីបបុរាណឡើយ ព្រោះថាក្នុងយុគសម័យនោះ វត្ថុបុរាណមួយចំនួន ក៏ត្រូវបានគេរកឃើញថា ធ្វើឡើងពីដែកនៃអាចម៍ផ្កាយដែរ។

គួរបញ្ជាក់ថា អ្វីដែលគួរឲ្យចាប់អារម្មណ៍ និងកត់សម្គាល់បន្ថែមទៀតនោះ គឺគេបានរកឃើញវត្ថុកប់ក្នុងផ្នូររបស់ទ្រង់ (ស្តេច Tut) ដែលជាខ្សែក មានរូបរាងដូចជាប្រភេទសត្វកំភេមផងដែរ ដែលអ្នកវិទ្យាសាស្រ្តជឿជាក់ថា ធ្វើឡើងពីកញ្ជក់កែវ។

ចំណែកវត្ថុបុរាណកាំបិតស្នៀតវិញ បច្ចុប្បន្នត្រូវបានដាក់តាំងបង្ហាញនៅឯសារមន្ទីរជាតិអេហ្ស៊ីប នៅក្នុងទីក្រុង Cairo ៕

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល
(3) LINE, VIBER: 093868723 (4)
តាមរយៈទំព័រហ្វេសប៊ុកខ្មែរឡូត

កាំភ្លើងក្នុងសតវត្សរ៍ទី១៨ របស់ព្រះចៅអធិរាជចិន Qianlong នឹងត្រូវដាក់លក់ដេញថ្លៃ នៅទីក្រុងឡុងដ៏

កាំភ្លើងក្នុងសតវត្សរ៍ទី១៨ របស់ព្រះចៅអធិរាជចិន Qianlong នឹងត្រូវដាក់លក់ដេញថ្លៃ នៅទីក្រុងឡុងដ៏

កាំភ្លើងក្នុងសតវត្សរ៍ទី១៨ របស់ព្រះចៅអធិរាជចិន Qianlong នឹងត្រូវដាក់លក់ដេញថ្លៃ នៅទីក្រុងឡុងដ៏

កាំភ្លើងក្នុងសតវត្សរ៍ទី១៨ របស់ព្រះចៅអធិរាជចិន Qianlong នឹងត្រូវដាក់លក់ដេញថ្លៃ នៅទីក្រុងឡុងដ៏

កាំភ្លើងក្នុងសតវត្សរ៍ទី១៨ របស់ព្រះចៅអធិរាជចិន Qianlong នឹងត្រូវដាក់លក់ដេញថ្លៃ នៅទីក្រុងឡុងដ៏